പ്ലാച്ചേരിയില് മുഖ്യമന്ത്രിയുടെ വാഹനവ്യൂഹത്തിലെ ആംബുലന്സ് കാറുമായി കൂട്ടിയിടിച്ച് അഞ്ച് പേര്ക്ക് പരിക്ക്
തിരുവനന്തപുരം: മുഖ്യമന്ത്രി പിണറായി വിജയന്റെ വാഹനവ്യൂഹത്തിലെ ആംബുലന്സ് കാറുമായി കൂട്ടിയിടിച്ച് കാര് യാത്രികരായ 5 പേര്ക്ക് പരിക്കേറ്റു. തോമസ്, റാണിമോള്, മിനി ജുവാന് മരിയ, ഇവാന് എന്നിവര്ക്കാണ് പരിക്കേറ്റത്. എറണാകുളത്ത് നിന്നും തിരുവനന്തപുരത്തേക്ക് പോകുന്ന വഴി മണിമല പ്ലാച്ചേരിക്ക് സമീപമായിരുന്നു അപകടം നടന്നത്. പരിക്കേറ്റ അഞ്ച് പേരെ കാഞ്ഞിരപ്പള്ളിയിലെ സ്വകാര്യ ആശുപത്രിയില് പ്രവേശിപ്പിച്ചു. മുഖ്യമന്ത്രിയുടെ വാഹന വ്യൂഹത്തിന് ഏറ്റവും പിന്നിലായിട്ടാണ് ആംബുലന്സ് പോയിരുന്നത്. മുഖ്യമന്ത്രിയുടെ വാഹനവും ഒപ്പം ഉണ്ടായിരുന്ന പോലീസ് വാഹനങ്ങളും കടന്ന് പോയതിന് ശേഷം ഈ വാഹനം അല്പം പിന്നിലായി പോയിരുന്നു.