സംസ്ഥാനത്ത് അവയവദാന മാഫിയ സജീവമെന്ന് ക്രൈംബ്രാഞ്ച്
സംസ്ഥാനത്ത് അവയവദാന മാഫിയകള്‍ പ്രവര്‍ത്തിക്കുന്നു എന്ന ഞെട്ടിപ്പിക്കുന്ന കണ്ടെത്തലുമായി ക്രൈം ബ്രാഞ്ച്. അവയവദാനത്തിനായി സംസ്ഥാനത്ത് ഏജന്റുമാര്‍ പ്രവര്‍ത്തിക്കുന്നതായും ക്രൈം ബ്രാഞ്ച് വ്യക്തമാക്കി. തൃശൂര്‍ ജില്ല കേന്ദ്രീകരിച്ചാണ് പ്രധാനമായും ഏജന്റുമാരുടെ പ്രവര്‍ത്തനം നടക്കുന്നത് എന്നും വെളിപ്പെടുത്തല്‍ . കൊടുങ്ങലൂരില്‍ നിരവധിപേര്‍ക്ക് അവയവം നഷ്ട്ടപെട്ടതായും റിപ്പോര്‍ട്ടുകള്‍ വ്യക്തമാക്കുന്നു.
സംഭവത്തില്‍ കേസ് എടുത്തതായും ക്രൈം ബ്രാഞ്ച് അറിയിച്ചു . സംസ്ഥാന സര്‍ക്കാര്‍ പദ്ധതിയായ മൃത സഞ്ജീവനി മറയാക്കിയാണ് ഇവര്‍ അവയവ കച്ചവടം നടത്തിയിരുന്നത്. അതോടെ സംസ്ഥാനത്തെ സ്വകാര്യ ആശുപത്രികള്‍ അന്വേഷണ പരിധിയില്‍ ആയി ഐ ജി ശ്രീജിത്തിന്റെ റിപ്പോര്‍ട്ടിന്റെ അടിസ്ഥാനത്തിലാണ് കേസ്. ആരെയും കേസില്‍ പ്രതിയാക്കാതെയാണ് എഫ് ഐ ആര്‍ തയ്യാറാക്കിയിരിക്കുന്നത്. എസ്.പി. സുദര്‍ശന്‍ കേസ് അന്വേഷിക്കും.