ഡോക്ടറെ ഭീഷണിപ്പെടുത്തിയ പ്രതിക്കെതിരെ കാപ്പ ചുമത്തി
പത്തനംതിട്ട : അടൂരില് ഡോക്ടറെ ഭീഷണിപ്പെടുത്തിയ തെറി വിളിച്ച പ്രതിക്കെതിരെ കാപ്പ ചുമത്തി. അടൂര് പറക്കോട് മെഡിക്കല് സെന്റര് ആശുപത്രിയില് ചികിത്സക്കെത്തിയ രോഗിയാണ് തെറി വിളിച്ചത്.സംഭവത്തില് പറക്കോട് സ്വദേശി വിഷ്ണു വിജയനെ പോലീസ് അറസ്റ്റു ചെയ്തു. വിഷ്ണു ഡോക്ടറോട് ആദ്യം തട്ടിക്കയറി. കിടത്തി ചികില്സ വേണമെന്ന് ആവശ്യപ്പെട്ടു. കിടത്തി ചികില്സ ആശുപത്രിയില് ഇല്ലെന്ന് പറഞ്ഞതോടെ തട്ടിക്കയറി. പിന്നീട് ഡോക്ടറെ തെറിവിളിച്ചു. ഇതിനിടയില് പ്രശ്നത്തില് ഇടപെട്ട ആളുടെ കണ്ണില് വിഷ്ണു മുളക് പൊടി സ്പ്രേ ചെയ്തു. വിഷ്ണു നിരവധി കേസുകളില്പെട്ടയാളാണ്. ഇയാള്ക്കെതിരെ കാപ്പാ നിയമം ചുമത്തി.