സ്പീക്കര് വിദേശത്ത് വിദ്യാഭ്യാസ സ്ഥാപനം തുടങ്ങാന് പദ്ധതിയിട്ടിരുന്നു ;സ്വപ്ന സുരേഷ്
സ്വര്ണക്കടത്ത് കേസില് സ്പീക്കര് പി. ശ്രീരാമകൃഷ്ണനെതിരെയുള്ള സ്വപ്ന സുരേഷിന്റെ മൊഴി പുറത്ത്. കേസില് ഹൈക്കോടതിയില് ഇഡി സമര്പ്പിച്ച സ്വപ്നയുടെ മൊഴിയുടെ വിവരങ്ങളാണ് ഇപ്പോള് പുറത്തുവരുന്നത്. സ്പീക്കര് വിദേശത്ത് വിദ്യാഭ്യാസ സ്ഥാപനം തുടങ്ങാന് പദ്ധതിയിട്ടതായി സ്വപ്ന നല്കിയ മൊഴിയില് പറയുന്നു.മിഡില്ഈസ്റ്റ് കോളേജിന്റെ ശാഖ ഷാര്ജയില് ആരംഭിക്കാനായിരുന്നു സ്പീക്കറുടെ നീക്കം. സ്ഥാപനത്തിന് സൗജന്യമായി ഭൂമി ലഭിക്കാന് ഷാര്ജ ഭരണാധികാരിയുമായി സ്പീക്കര് തിരുവനന്തപുരത്ത് വെച്ച് കൂടിക്കാഴ്ച നടത്തി. ഈ കൂടിക്കാഴ്ചയില് ഭൂമി നല്കാമെന്ന് വാക്കാല് ഉറപ്പുകിട്ടിയെന്നും സ്വപ്നയുടെ മൊഴിയിലുണ്ട്. കോളേജിന്റെ ശാഖകള് വര്ധിപ്പിക്കാന് പദ്ധതിയിട്ടിരുന്നു. അതിന്റെ ഭാഗമായിട്ടായിരുന്നു ഈ നീക്കം. അവിടുത്തെ കാര്യങ്ങള് നോക്കിനടത്താന് താനാണ് മികച്ചയാളെന്ന് പറഞ്ഞതായും സ്വപ്ന വെളിപ്പെടുത്തി.സ്വപ്നയും ശിവശങ്കറും തമ്മിലുള്ള വാട്സാപ്പ് ചാറ്റ് അടിസ്ഥാനമാക്കി നടത്തിയ ചോദ്യംചെയ്യലില് സ്വപ്ന പറഞ്ഞ കാര്യങ്ങളാണ് ഇ.ഡി. ഹൈക്കോടതിയില് സമര്പ്പിച്ചിരിക്കുന്നത്.