സിഎഎ: ജാമ്യം ലഭിക്കുന്ന കേസുകള് സര്ക്കാര് പിന്വലിക്കും
തിരുവനന്തപുരം: സിഎഎ നിയമ ഭേദഗതിക്കെതിരായി നടന്ന പ്രതിഷേധത്തില് സംസ്ഥാനത്ത് രജിസ്റ്റര് ചെയ്ത കൂടുതല് കേസുകള് പിന്വലിക്കാന് ജില്ലാ പൊലീസ് മേധാവിമാര്ക്ക് സംസ്ഥാന സര്ക്കാര് നിര്ദ്ദേശം നല്കി.
ആഭ്യന്തര സെക്രട്ടറി പുറപ്പെടുവിച്ച ഉത്തരവില് നേരത്തെ പിന്വലിക്കാന് ഉത്തരവിട്ട കേസുകളുമായി ബന്ധപ്പെട്ട അപേക്ഷകള് കോടതിയില് എത്തിയോ എന്ന് ഉറപ്പാക്കാനും നിര്ദ്ദേശിച്ചിട്ടുണ്ട്.
സംസ്ഥാനത്ത് സിഎഎ വിരുദ്ധ പ്രക്ഷോഭങ്ങളുമായി ബന്ധപ്പെട്ട് ആകെ 835 കേസുകളാണ് രജിസ്റ്റര് ചെയ്തത്. ഇവയില് നൂറില് താഴെ കേസുകള് മാത്രമാണ് സംസ്ഥാന സര്ക്കാര് നേരത്തെ പിന്വലിക്കാന് ആവശ്യപ്പെട്ടിരുന്നു.
മറ്റുള്ള കേസുകളുടെ ഗൗരവം നോക്കി മുന്നോട്ട് പോകാനായിരുന്നു തീരുമാനം. എന്നാല് മുന്നണിയുടെയും സര്ക്കാരിന്റെയും പൗരത്വ ഭേദഗതി നിയമത്തിനെതിരായ നിലപാടില് കേസുകള് പിന്വലിക്കാത്തത് ചൂണ്ടിക്കാട്ടി പ്രതിപക്ഷം വിമര്ശിച്ചതോടെയാണ് നീക്കം.