റെക്കോര്ഡിട്ട് സ്വര്ണം
തിരുവനന്തപുരം: സംസ്ഥാനത്ത് ഇന്ന് സ്വര്ണവില സര്വ്വകാല റെക്കോര്ഡില്. ഇന്ന് 480 രൂപ ഉയര്ന്ന് സ്വര്ണവില കേരളത്തിലെ ഏറ്റവും ഉയര്ന്ന വിലയിലെത്തി. ഒരു പവന് സ്വര്ണത്തിന്റെ ഇന്നത്തെ വിപണി നിരക്ക് 45920 രൂപയാണ്. ഇസ്രയേല് – ഹമാസ് സംഘര്ഷം രൂക്ഷമായതോടെ രാജ്യാന്തര വിപണിയില് സ്വര്ണവില കുതിക്കുകയാണ്. അന്താരാഷ്ട്ര സ്വര്ണ്ണവില 2006 ഡോളറിലാണ്. സുരക്ഷിത നിക്ഷേപമായി സ്വര്ണത്തിനെ കാണുന്നതോടെ യുദ്ധ സാഹചര്യങ്ങളില് സ്വര്ണത്തിന്റെ ഡിമാന്ഡ് കൂടുന്നതാണ് കാരണം. മെയ് 5 നാണു മുന്പ് സംസ്ഥാനത്ത് സ്വര്ണവില ഏറ്റവും ഉയര്ത്തിലെത്തിയത്. 45760 രൂപയായിരുന്നു അന്ന് പവന്റെ വില. ഒരു ഗ്രാം 22 കാരറ്റ് സ്വര്ണത്തിന്റെ ഇന്നത്തെ വിപണി വില 5740 രൂപയാണ്. ഒരു ഗ്രാം 18 കാരറ്റ് സ്വര്ണത്തിന്റെ വില 4758 രൂപയുമാണ്. അതേസമയം വെള്ളിയുടെ വിലയില് മാറ്റമില്ല. ഒരു ഒരു ഗ്രാം സാധാരണ വെള്ളിയുടെ വില 78 രൂപയാണ്. ഒരു ഗ്രാം ഹാള്മാര്ക്ക് വെള്ളിയുടെ വിപണി വില 103 രൂപയാണ്.