യൂത്ത് കോണ്ഗ്രസ് പ്രവര്ത്തകരെ വിമാനത്തിനുള്ളില്വച്ച് കഴുത്തില് കുത്തിപ്പിടിച്ച് ശ്വാസം മുട്ടിച്ച് കൊലപ്പെടുത്താന് ശ്രമിച്ചതായി ഇ.പി. ജയരാജനെതിരെ പരാതി.
യൂത്ത് കോണ്ഗ്രസ് പ്രവര്ത്തകരെ വിമാനത്തിനുള്ളില്വച്ച് കഴുത്തില് കുത്തിപ്പിടിച്ച് ശ്വാസം മുട്ടിച്ച് കൊലപ്പെടുത്താന് ശ്രമിച്ചതായി എല്ഡിഎഫ് കണ്വീനര് ഇ.പി. ജയരാജനെതിരെ പരാതി. വിമാനത്തില് സ്വകാര്യ ആവശ്യങ്ങള്ക്കായി യാത്ര ചെയ്ത യൂത്ത് കോണ്ഗ്രസ് പ്രവര്ത്തകരായ ഫര്സിന് മജീദ്, നവീന് കുമാര് എന്നിവരെ ജയരാജന് ദേഹോപദ്രവം ഏല്പ്പിക്കുകയും കൊലപ്പെടുത്താന് ശ്രമിക്കുകയും ചെയ്തതായി ചൂണ്ടിക്കാട്ടി യൂത്ത് കോണ്ഗ്രസ് ജനറല് സെക്രട്ടറി ജോബിന് ജേക്കബാണ് ഡിജിപിക്ക് പരാതി നല്കിയത്. ഇരുവര്ക്കുമെതിരെ കളവായ വിവരങ്ങള് ചേര്ത്ത് റജിസ്റ്റര് ചെയ്ത കേസിലെ തുടര് നടപടികള് അവസാനിപ്പിക്കാന് വേണ്ട നടപടികള് സ്വീകരിക്കണമെന്നും പരാതിയില് ആവശ്യപ്പെട്ടിട്ടുണ്ട്.
ജയരാജനെതിരെ കേസെടുക്കണമെന്ന് ആവശ്യപ്പെട്ട് ഡിജിപിക്കും ജയരാജന് യാത്രാനിരോധനം ഏര്പ്പെടുത്തണമെന്ന് ആവശ്യപ്പെട്ട് ഏവിയേഷന് അതോറിറ്റിക്കും പരാതി നല്കിയതായി യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്പില് എംഎല്എ ഫെയ്സ്ബുക്കില് പോസ്റ്റ് ചെയ്ത കുറിപ്പില് വ്യക്തമാക്കിയിരുന്നു. ഇതിനു പിന്നാലെയാണ് ഡിജിപിക്കു നല്കിയ പരാതിയുടെ വിശദാംശങ്ങള് പുറത്തുവന്നത്. ഒരു മുദ്രാവാക്യം വിളിയെ കൊലപാതകശ്രമമായി ചിത്രീകരിച്ച് കേസെടുക്കുന്ന മുഖ്യമന്ത്രിയുടെ ഭീരുത്വത്തെ നിയമപരമായും അസഹിഷ്ണുതയെ രാഷ്ട്രീയമായും നേരിടുമെന്നും ഷാഫി പറമ്പില് വ്യക്തമാക്കിയിരുന്നു.