മുക്കൂട്ടുതറ അക്ഷയ കേന്ദ്രത്തിന് ഐഎസ് ഒ പുരസ്ക്കാരം
എരുമേലി: കോട്ടയം ജില്ലയിൽ ഏറ്റവും നല്ല രീതിയിൽ മാതൃകാപരമായി പ്രവർത്തിക്കുന്ന മുക്കൂട്ടുതറ അക്ഷയ കേന്ദ്രത്തിന് സംസ്ഥാന സർക്കാരിന്റെ ഐഎസ് ഒ പുരസ്കാരം ലഭിച്ചു.
സംസ്ഥാന സർക്കാരിന്റെ ഒന്നാം വാർഷികാഘോഷങ്ങളുടെ ഭാഗമായി കോട്ടയം ജില്ലയിൽ നടന്നു വരുന്ന വിവിധ സർക്കാർ വകുപ്പുകളുടെ പ്രദർശന – സേവന – വിപണന മേളയുടെ ഉദ്ഘാടന ചടങ്ങിൽ വെച്ച് മികച്ച അക്ഷയ കേന്ദ്രത്തിനുള്ള ISO അംഗീകാരം ലഭിച്ച KTM052 മുക്കൂട്ടുതറ അക്ഷയയ്ക്കു വേണ്ടി സിഇഒ ടി.എസ്.ശിവകുമാർ പുസ്കാരം ഏറ്റുവാങ്ങി .
ജോബ് മൈക്കിൾ എം.എൽ.എയിൽ നിന്ന് ഉപഹാരം സ്വീകരിച്ചു. ജില്ലാ പഞ്ചായത്ത് പ്രസിഡന്റ് നിർമ്മല ജിമ്മി, ജില്ലാ കലക്ടർ ജയശ്രീ പി.എസ്. ഐഎഎസ് , പൂഞ്ഞാർ എം എൽ എ അഡ്വ. സെബാസ്റ്റ്യൻ കുളത്തുങ്കൽ , അക്ഷയ ഡി പി എം . കെ. ധനേഷ് എന്നിവർ സംസാരിച്ചു .