ബിഷപ്പ് വര്ഗീയ പരാമര്ശനം നടത്തിയിട്ടില്ലെന്ന് സുരേഷ് ഗോപി എംപി.
പാലാ ബിഷപ്പിനെ പിന്തുണയുമായി സുരേഷ് ഗോപി എംപി. ബിഷപ്പ് വര്ഗീയ പരാമര്ശനം നടത്തിയിട്ടില്ലെന്നും ഒരു മതത്തേയും അദ്ദേഹം പരാമര്ശിച്ചിട്ടില്ലെന്നുമാണ് എംപിയുടെ നിലപാട്. ബിഷപ്പ് ഹൗസില് എത്തി ജോസഫ് കല്ലറങ്ങാട്ടുമായി കൂടിക്കാഴ്ച നടത്തിയതിന് പിന്നാലെയാണ് പ്രതികരണം അറിയിച്ചത്. എംപി എന്ന നിലയിലാണ് ബിഷപ്പിനെ സന്ദര്ശിച്ചതെന്നും രാഷ്ട്രീയക്കാരനായല്ലെന്നും സുരേഷ് ഗോപി വ്യക്തമാക്കി..സല്യൂട്ട് വിവാദത്തോടുള്ള മാധ്യമപ്രവര്ത്തകരുടെ ചോദ്യത്തിനോട് രൂക്ഷമായാണ് എംപി പ്രതികരിച്ചത്. രാഷ്ട്രീയം നോക്കി സല്യൂട്ട് പാടില്ല. പൊലീസ് അസോസിയേഷന് രാഷ്ട്രീയം കളിക്കരുത്. എംപിക്ക് സല്യൂട്ട് പാടില്ലെന്ന് ഡിജിപിയുടെ സര്ക്കുലറുണ്ടോയെന്നും ഉണ്ടെങ്കില് അത് കാണിക്കട്ടേയെന്നും സുരേഷ് ഗോപി പറയുന്നു.