പ്രിയ രാമനും രഞ്ജിത്തും ഏഴ് വര്ഷത്തിന് ശേഷം വീണ്ടും ഒന്നിച്ചു.
സിനിമാ ലോകത്ത് ഞെട്ടിക്കുന്ന വിവാഹമോചന വാര്ത്തകള് കേള്ക്കാറുണ്ട്. എന്നാല് വിവാഹമോചനം നേടിയ താരങ്ങള് വീണ്ടും ഒന്നിച്ച് ജീവിക്കുന്ന കാഴ്ച അപൂര്വമാണ്. നടന് രഞ്ജിത്തും നടി പ്രിയ രാമനുമാണ് പ്രചോദനാത്മകമായ തീരുമാനവുമായി എത്തിയിരിക്കുന്നത്. ഔദ്യോഗികമായി വിവാഹ മോചനം നേടിയ രഞ്ജിത്തും പ്രിയ രാമനും ഇപ്പോള് ഒന്നിച്ചാണ് ജീവിക്കുന്നതെന്ന് തമിഴ് മാധ്യമങ്ങള് റിപ്പോര്ട്ട് ചെയ്യുന്നു.2014ല് വിവാഹമോചിതരായ ഇരുവരും ഏഴ് വര്ഷങ്ങള്ക്ക് ശേഷമാണ് വീണ്ടും ഒന്നിക്കുന്നത്.22ാം വിവാഹവാര്ഷിക ദിനത്തില് ഒന്നിച്ചുള്ള ചിത്രങ്ങള് പങ്കുവച്ചു കൊണ്ടാണ് വീണ്ടും ഒരുമിച്ചു ജീവിക്കാന് ആരംഭിച്ച വിവരം ഇവര് വെളിപ്പെടുത്തിയത്.ആരാധകരുടെ സ്നേഹാശംസകളാല് ഞങ്ങളുടെ ഇപ്പോഴത്തെ ജീവിതം വളരെ മനോഹരമായിരിക്കുന്നു’.പ്രിയ രാമനെ ആലിംഗനം ചെയ്തുള്ള ചിത്രങ്ങള്ക്കൊപ്പം രഞ്ജിത്ത് കുറിച്ചു. മറ്റൊരു വിഡിയോയില് തന്റെ ഭര്ത്താവാണ് രഞ്ജിത്തെന്നും പ്രിയ പറയുന്നുണ്ട്.