പ്രശസ്ത മാപ്പിളപ്പാട്ട് കലാകാരന് പീര് മുഹമ്മദ് അന്തരിച്ചു
പ്രശസ്ത മാപ്പിളപ്പാട്ട് കലാകാരന് പീര് മുഹമ്മദ് അന്തരിച്ചു. 75 വയസായിരുന്നു. പുലര്ച്ചെ കണ്ണൂര് മുഴപ്പിലങ്ങാട്ടെ വീട്ടിലായിരുന്നു അന്ത്യം. ഒട്ടകങ്ങള് വരി വരിയായ്, കാഫ് മല കണ്ട പൂങ്കാറ്റേ തുടങ്ങിയവ പ്രശസ്ത ഗാനങ്ങള്. ദൂരദര്ശനില് ആദ്യമായി മാപ്പിളപ്പാട്ട് അവതരിപ്പിച്ചു.
അസീസ് അഹമ്മദിന്റെയും ബല്ക്കീസിന്റെയും മകനായി കണ്ണൂരില് ജനനം. ഏഴാം വയസ്സില് ‘ജനതാ സംഗീത സഭ’യിലൂടെ മാപ്പിള പാട്ടിന്റെ ലോകത്ത് തുടക്കം കുറിച്ചു. തേന്തുള്ളി, അന്യരുടെ ഭൂമി എന്നീ സിനിമകളില് പാടിയിട്ടുണ്ട്. 195790 കളില് എച്ച്എംവിയിലെ ആര്ട്ടിസ്റ്റായിരുന്നു. സൗത്ത് ഇന്ത്യന് ഫിലിം ഫെയര് അവാര്ഡ് നൈറ്റില് മാപ്പിളപ്പാട്ട് അവതരിപ്പിക്കാനുള്ള അവസരം പീര് മുഹമ്മദിന് മാത്രമേ ലഭിച്ചിട്ടുള്ളു. 1976ല് ടെലിവിഷന് ചരിത്രത്തില് ആദ്യമായി ,ചെന്നൈ ദൂരദര്ശനിലൂടെ മാപ്പിളപ്പാട്ട് അവതരിപ്പിച്ചു. കേരളത്തിലും പുറത്തും ആയിരത്തോളം പരിപാടികള് അവതരിപ്പിച്ചിട്ടുണ്ട്. ആയിരത്തോളം കാസറ്റുകള് പുറത്തിറക്കിയിട്ടുണ്ട്.കേരള ഫോക്ലോയര് അക്കാദമി അവാര്ഡ്,എ വി മുഹമ്മദ് അവാര്ഡ്,ഒ അബു ഫൗണ്ടേഷന് അവാര്ഡ്, മുസ്ലീം കള്ച്ചറല് സെന്റര് അവാര്ഡ്,ആള് കേരള മാപ്പിള സംഗീത അക്കാദമി അവാര്ഡ് കേരള മാപ്പിള കല അക്കാദമി അവാര്ഡ്,മോയിന്കുട്ടി വൈദ്യര് സ്മാരക അവാര്ഡ്, ദുബായ് മലബാര് കലാ സാംസ്കാരിക വേദി അവാര്ഡ് തുടങ്ങിയ നിരവധി പുരസ്കാരങ്ങള് ലഭിച്ചിട്ടുണ്ട്.