പ്രതിഷേധിക്കാന്‍ പൊതുജനത്തിനും അവകാശം; ജോജുവിനോട് മാപ്പ് പറയണം: സജി ചെറിയാന്‍.
പ്രതിഷേധിക്കാന്‍ പൊതുജനത്തിനും അവകാശം; ജോജുവിനോട് മാപ്പ് പറയണം: സജി ചെറിയാന്‍.
പോസ്റ്റിന്റെ പൂര്‍ണ്ണ രൂപം.
എറണാകുളത്ത് കോണ്‍ഗ്രസിന്റെ വഴിതടയല്‍ സമരത്തിനെതിരെ പ്രതിഷേധം അറിയിച്ച സിനിമാതാരം ജോജു ജോര്‍ജിനെതിരെ ഉണ്ടായ അതിക്രമം അപലപനീയമാണ്.സമരസംവാദങ്ങളിലൂടെ തന്നെയാണ് കേരളത്തില്‍ രാഷ്ട്രീയമുന്നേറ്റങ്ങളും പ്രതിഷേധങ്ങളും ഉണ്ടായിട്ടുള്ളത്. സമരങ്ങളെ പൂര്‍ണമായും നിരാകരിച്ചു കൊണ്ടുള്ള രാഷ്ട്രീയ പ്രവര്‍ത്തനം സാധ്യവുമല്ല. എങ്കിലും പൊതുജനങ്ങള്‍ക്ക് ബുദ്ധിമുട്ട് നേരിടുന്ന സാഹചര്യങ്ങള്‍ ഉയര്‍ന്നുവരികയാണെങ്കില്‍ പ്രതിഷേധം ഉയര്‍ത്തുവാന്‍ അവര്‍ക്കും അവകാശം ഉണ്ടെന്ന് രാഷ്ട്രീയകക്ഷികള്‍ മറന്നുകൂടാ. അത്തരം സാഹചര്യങ്ങളില്‍ ക്ഷമയോടെയും വിവേകപൂര്‍ണവുമായി കാര്യങ്ങള്‍ കൈകാര്യം ചെയ്യുന്നതിന് പകരം വെല്ലുവിളിയുടെ സ്വഭാവത്തിലുള്ള പ്രതികരണമല്ല ഉത്തരവാദിത്വപ്പെട്ട നേതാക്കളില്‍ നിന്നും ഉണ്ടാകേണ്ടത്.വഴിതടഞ്ഞുകൊണ്ടുള്ള സമരത്തില്‍ പ്രതിഷേധം അറിയിച്ച ജോജുവിനെ വെല്ലുവിളിക്കുകയും അദ്ദേഹത്തിന്റെ വാഹനം തകര്‍ക്കുകയുമാണ് സ്ഥലത്തുണ്ടായിരുന്ന കോണ്‍ഗ്രസ് പ്രവര്‍ത്തകര്‍ ചെയ്തത്. ഇത്തരം പ്രവൃത്തികള്‍ അംഗീകരിക്കുവാന്‍ സാധിക്കുകയില്ല. സംഭവത്തിന്റെ ഉത്തരവാദിത്വം ഏറ്റെടുത്തു ക്ഷമാപണം നടത്തുന്നതിന് മുതിര്‍ന്ന കോണ്‍ഗ്രസ് നേതാക്കള്‍ തയ്യാറാകണം.
