പുതുപ്പള്ളി ഉപതെരഞ്ഞെടുപ്പ് : ജെയ്ക് സ്വത്ത് വിവരങ്ങള് വ്യക്തമാക്കി
കോട്ടയം: പുതുപ്പള്ളി ഉപതെരഞ്ഞെടുപ്പില് ജെയ്ക് സി തോമസിനെ മൂന്നാം അങ്കത്തിന് ജെയ്ക് സി തോമസ് നാമനിര്ദേശ പത്രിക സമര്പ്പിച്ചു .
രാവിലെ മണര്കാടുള്ള വീട്ടില് നിന്നും കോട്ടയത്തെ സിപിഎം ജില്ലാ കമ്മിറ്റി ഓഫീസിലേക്കാണ് ജെയ്ക് ആദ്യം എത്തിയത്. ഡിവൈഎഫ്ഐ ജില്ലാ കമ്മിറ്റി കെട്ടിവയ്ക്കാനുള്ള പതിനായിരം രൂപ നല്കി. എം വി ഗോവിന്ദന്, ഇപി ജയരാജന്, വിഎന് വാസവന് അടക്കം മുതിര്ന്ന നേതാക്കള്ക്ക് ഒപ്പം പ്രകടനമായി കോട്ടയം മിനി സിവില് സ്റ്റേഷനില് പ്രവര്ത്തിക്കുന്ന വരണാധികാരിയുടെ ഓഫീസിലെത്തി നാല് സെറ്റ് പത്രികകള് സമര്പ്പിച്ചു. സ്വത്തുമായി ബന്ധപ്പെട്ട വിവാദങ്ങള് കത്തുന്നതിനിടെ നാമനിര്ദ്ദേശ പത്രികയില് സ്വത്ത് വിവരങ്ങള് വ്യക്തമാക്കി പുതുപ്പള്ളി ഉപതെരഞ്ഞെടുപ്പ് എല്ഡിഎഫ് സ്ഥാനാര്ത്ഥി ജെയ്ക് സി തോമസ്. 20,798,117 രൂപയാണ് ജെയ്കിന് സമ്പാദ്യമായിട്ടുള്ളത്. പണമായി കൈയിലും ബാങ്കിലുമായി ഉള്ളത് 1,07, 956 രൂപയാണ്. ഭാര്യയുടെ പക്കല് പണവും സ്വര്ണവുമായി 5,55,582 രൂപയുമുണ്ട്. ബാധ്യതയായി ജെയ്ക്ക് കാണിച്ചിട്ടുള്ളത് 7,11,905 രൂപയാണ്. ജെയ്കിന് രണ്ടു കോടിരൂപയുടെ സ്വത്ത് കൈവശമുണ്ടെന്നാണ് കോണ്ഗ്രസ് ആരോപിച്ചിരുന്നത്. ഇതിന് മറുപടിയുമായി ജെയ്ക് രംഗത്തെത്തിയിരുന്നു. സ്വത്തുമായി ബന്ധപ്പെട്ടുള്ളത് വ്യക്തി അധിക്ഷേപമാണെന്ന് ജെയ്ക് സി തോമസ് പ്രതികരിച്ചിരുന്നു. തനിക്ക് കിട്ടിയത് പിതാവിന്റെ സ്വത്താണ്. വ്യക്തി അധിക്ഷേപത്തില് കോണ്ഗ്രസ് നേതൃത്വം മറുപടി പറയണമെന്നും ജെയ്ക് ആവശ്യപ്പെട്ടിരുന്നു. കോണ്ഗ്രസ് സൈബര് സംഘത്തിന്റേത് തരംതാണ പ്രചാരണമാണെന്നും ജെയ്ക് സി തോമസ് അഭിപ്രായപ്പെട്ടു. 24 ന് പ്രചാരണത്തിനെത്തുന്ന മുഖ്യമന്ത്രി അയര്ക്കുന്നത്തും പുതുപ്പള്ളിയിലും ചേരുന്ന എല്ഡിഎഫിന്റെ യോഗങ്ങളില് പങ്കെടുക്കും.