സ്‌കൂള്‍ കലോത്സവം കൊല്ലത്തും – കായികമേള കുന്നംകുളത്തും

തിരുവനന്തപുരം: സംസ്ഥാന സ്‌കൂള്‍ കലോത്സവം ജനുവരിയില്‍ കൊല്ലത്തും – കായിക മേള ഒക്ടോബറില്‍ കുന്നംകുളത്തും നടക്കും. സെപ്ഷ്യല്‍ സ്‌കൂള്‍ മേള നവംബറില്‍ എറണാകുളത്തും നടക്കും. തിരുവനന്തപുരത്ത് ഡിസംബറിലാണ് ശാസ്ത്ര മേള നടക്കുക. കഴിഞ്ഞ കലോത്സവത്തിന് കോഴിക്കോട് ആയിരുന്നു വേദി.വലിയ ജനപങ്കാളിത്തമായിരുന്നു കലോത്സവത്തിനുണ്ടായിരുന്നത്. ഈ വര്‍ഷം ജനുവരി 3 നായിരുന്നു കലോത്സവം. മുഖ്യമന്ത്രി പിണറായി വിജയനാണ് കലോത്സവം ഉദ്ഘാടനം ചെയ്തത്. 2 വര്‍ഷത്തെ കോവിഡ് ഇടവേളയ്ക്കു ശേഷമാണ് കലോത്സവം നടന്നത്. 24 വേദികളില്‍ 239 ഇനങ്ങളിലായി 14,000 കുട്ടികളാണ് പങ്കെടുത്തത്. അപ്പീലുമായി എത്തിയവരെക്കൂടാതെ 9352 മത്സരാര്‍ഥികള്‍ പങ്കെടുത്തു. ജനുവരി ഏഴിന് സമാപനസമ്മേളനം നിയമസഭാ പ്രതിപക്ഷനേതാവ് വി.ഡി. സതീശന്‍ ഉദ്ഘാടനം ചെയ്തു. ഗായിക കെ.എസ്. ചിത്ര മുഖ്യാതിഥിയായി പങ്കെടുത്തിരുന്നു.