നിയമസഭ കയ്യാങ്കളിക്കേസ്; സംസ്ഥാന സര്ക്കാര് സുപ്രിംകോടതിയിലേക്ക്.
നിയമസഭ കയ്യാങ്കളിക്കേസില് സംസ്ഥാന സര്ക്കാര് സുപ്രിംകോടതിയിലേക്ക്. കേസ് പിന്വലിക്കാനുള്ള സര്ക്കാര് തീരുമാനം അംഗീകരിക്കണം എന്നാവശ്യപ്പെട്ട് ഹജി നല്കും. സര്ക്കാര് ആവശ്യം നേരത്ത ഹൈക്കോടതി തള്ളിയിരുന്നു.കെ.എം മാണി ബജറ്റ് അവതരിപ്പിക്കുന്നതിനിടെയാണ് 2015 ല് നിയമസഭയില് കൈയ്യാങ്കളി അരങ്ങേറിയത്. ധനമന്ത്രിയുടെ ബജറ്റ് പ്രസംഗം തടസ്സപ്പെടുത്തുന്നതിനിടെ പൊതുമുതല് നശിപ്പിച്ചുവെന്നാണ് പൊലിസ് കുറ്റപത്രം. രണ്ടര ലക്ഷം രൂപയുടെ പൊതുമുതല് നശിപ്പിക്കപ്പെട്ടതായി കുറ്റപത്രത്തില് ചൂണ്ടിക്കാട്ടിരുന്നു.കേസില് ഇ പി ജയരാജന്, കെ ടി ജലീല്, വി ശിവന്കുട്ടി, കെ അജിത്ത് എന്നിവരടക്കം 6 ജനപ്രതിനിധികള്ക്കെതിരെയായിരുന്നു പൊതു മുതല് നശിപ്പിച്ചതടക്കമുള്ള വകുപ്പുകള് ചേര്ത്ത് കന്റോണ്മെന്റ് പോലീസ് കേസ് എടുക്കുകയും കുറ്റപത്രം സമര്പ്പിക്കുകയും ചെയ്തതത്.നേരത്തെ വിചാരണ കോടതിയിലും സര്ക്കാര് ഹരജി നല്കിയെങ്കിലും കോടതി അത് തള്ളുകയായിരുന്നു. തുടര്ന്നാണ് കേസ് പിന്വലിക്കണമെന്നാവശ്യപ്പെട്ട് സര്ക്കാര് ഹൈക്കോടതിയെ സമീപിച്ചത്.