നിയമസഭാ തെരഞ്ഞെടുപ്പില് ചെറുപ്പക്കാര്ക്കും പുതുമുഖങ്ങള്ക്കും അവസരം നല്കണമെന്ന് രാഹുല് ഗാന്ധി.
സംസ്ഥാനത്ത് വരാനിരിക്കുന്ന നിയമസഭാ തെരഞ്ഞെടുപ്പില് ചെറുപ്പക്കാര്ക്കും പുതുമുഖങ്ങള്ക്കും അവസരം നല്കണമെന്ന് കോണ്ഗ്രസ് ജനറല് സെക്രട്ടറി രാഹുല് ഗാന്ധി. സ്ഥാനാര്ത്ഥികളെ തെരഞ്ഞെടുക്കുന്നതില് പഴയ കീഴ് വഴക്കം മാറ്റണമെന്ന് രാഹുല് ആവശ്യപ്പെട്ടു. ജനങ്ങളുമായി അടുത്തു ബന്ധമുള്ളവരെ സ്ഥാനാര്ത്ഥിയാക്കണം. അതോടൊപ്പം യുഡിഎഫ് പുറത്തിറക്കുന്നത് ജനങ്ങളുടെ പ്രകടന പ്രതികയായിരിക്കണമെന്നും രാഹുല് നിര്ദ്ദേശിച്ചു.കേരളത്തിലെ ജനങ്ങളുടെ വികാരം പ്രതിഫലിപ്പിക്കുന്ന തെരഞ്ഞെടുപ്പാക്കണമിതെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്രമോദിയെ രൂക്ഷമായി വിമര്ശിച്ച രാഹുല്, പ്രാധാന മന്ത്രി ഇന്ത്യയെ ദുര്ബലപ്പെടുത്തിയെന്ന് ചൈനക്കാര്ക്കറിയാമെന്നും നെഞ്ചളവ് 56 ഇഞ്ചുണ്ടെന്ന് അവകാശപ്പെടുന്ന പ്രധാനമന്ത്രി രാഷ്ട്രത്തിന് വേണ്ടി എന്ത് ചെയ്തെന്നും ചോദിച്ചു.
നിയമസഭാ തെരഞ്ഞെടുപ്പിന് മുന്നോടിയായി കേരളാ സന്ദര്ശനത്തിനെത്തിയ രാഹുല് ഗാന്ധി നിലമ്പൂര്, വണ്ടൂര് നിയോജക മണ്ഡലങ്ങളിലെ പൊതുപരിപാടികളിലും ത്രിതല പഞ്ചായത്ത് തെരെഞ്ഞെടുപ്പില് മത്സരിച്ച യു.ഡി.എഫ് സ്ഥാനാര്ത്ഥികളുടെ സംഗമമത്തിലും പങ്കെടുത്ത ശേഷം വയനാട്ടിലേക്ക് പോകും. രാവിലെ 11 മണിയോടെ കരിപ്പൂരിലെത്തിയ രാഹുല് കോണ്ഗ്രസ് -ലീഗ് നേതാക്കളുമായി കൂടിക്കാഴ്ച്ച നടത്തിയിരുന്നു. ഉമ്മന് ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന്, കെ.സി.വേണുഗോപാല് മുസ്ലീം ലീഗ് നേതാക്കളായ പി.കെ.കുഞ്ഞാലിക്കുട്ടി, പാണക്കാട് സാദിഖലി ശിഹാബ് തങ്ങള്, ഇ.ടി.മുഹമ്മദ് ബഷീര് എന്നിവരാണ് രാഹുല് ഗാസിയുമായി കൂടിക്കാഴ്ച്ച നടത്തിയത്.