നടന് ശ്രീനാഥ് ഭാസിക്കെതിരായ കേസ് പിന്വലിക്കുകയാണെന്ന് പരാതിക്കാരിയുടെ അഭിഭാഷകന്
കൊച്ചി :ക്ഷമാപണം നടത്തിയതിനെത്തുടര്ന്ന് നടന് ശ്രീനാഥ് ഭാസിക്കെതിരായ കേസ് പിന്വലിക്കുകയാണെന്ന് പരാതിക്കാരിയുടെ അഭിഭാഷകന്. അഭിമുഖത്തിനിടെ ശ്രീനാഥ് ഭാസി അപമാനിച്ചെന്നാണ് ഓണ്ലൈന് മാധ്യമ പ്രവര്ത്തക പരാതി നല്കിയത്. സംഭവം വിവാദമായതോടെ സിനിമാ നിര്മാതാക്കളുടെ സംഘടന ഇരുവരെയും വിളിച്ചു നടത്തിയ ചര്ച്ചയില് ശ്രീനാഥ് ഭാസി ക്ഷമാപണം നടത്തിയെന്നും അതിനാലാണ് പരാതി പിന്വലിക്കുന്നതെന്നും അഭിഭാഷകന് പറഞ്ഞു. പരാതി പിന്വലിക്കുകയാണെന്നു കാട്ടി കോടതിക്കു നല്കാനുള്ള ഹര്ജിയില് പരാതിക്കാരിയായ മാധ്യമപ്രവര്ത്തക ഒപ്പിട്ടു നല്കി. ഇതേതുടര്ന്ന് എഫ്ഐആര് റദ്ദാക്കണമെന്ന് ആവശ്യപ്പെട്ട് ശ്രീനാഥ് ഭാസി ഹൈക്കോടതിയെ സമീപിച്ചു.
പരാതിക്കാരിയോടും കുടുംബത്തോടും മാധ്യമസ്ഥാപനത്തിലെ മറ്റു ജീവനക്കാരോടും മാപ്പപേക്ഷ നടത്തിയ സാഹചര്യത്തില്, പരാതിയുമായി മുന്നോട്ടു പോകില്ലെന്ന് അവര് അറിയിച്ചതായി ശ്രീനാഥ് ഭാസിയുടെ അഭിഭാഷകനും പറഞ്ഞു. ഇതിനായി ഹൈക്കോടതിയില് സത്യവാങ്മൂലവും വക്കാലത്തും ഒപ്പിട്ടു നല്കിയെന്നും അദ്ദേഹം വെളിപ്പെടുത്തി.