തൊഴിലാളി പ്രശ്നങ്ങള് ചര്ച്ച ചെയ്യാനാണ് രാജേന്ദ്രന് വന്നത് ജാവദേക്കര്
കൊച്ചി: ദേവികുളം മുന് എംഎല്എ എസ് രാജേന്ദ്രന് പ്രകാശ് ജാവദേക്കറുമായി കൂടിക്കാഴ്ച നടത്തിയത് ബിജെപിയില് ചേരുന്ന കാര്യം സംബന്ധിച്ചല്ലെന്നും, തൊഴിലാളി പ്രശ്നങ്ങള് ചര്ച്ച ചെയ്യാനാണ് രാജേന്ദ്രന് വന്നതെന്നും ബിജെപിയുടെ കേരളത്തിലെ സംഘടന ചുതലയുള്ള നേതാവുമായ പ്രകാശ് ജാവദേക്കര് വ്യക്തമാക്കി .
വിഷയത്തില് കൂടുതല് പ്രതികരണങ്ങള്ക്ക് ഇല്ലെന്നും പ്രകാശ് ജാവദേക്കര്. ദില്ലിയിലെത്തിയാണ് എസ് രാജേന്ദ്രന് പ്രകാശ് ജാവദേക്കറുമായി കൂടിക്കാഴ്ച നടത്തിയത്. സിപിഎമ്മില് നിന്ന് സസ്പെന്ഡ് ചെയ്യപ്പെട്ട എസ് രാജേന്ദ്രന് രണ്ട് ദിവസം മുമ്പ് എംഎം മണിയടക്കമുള്ള സിപിഎമ്മിന്റെ മുതിര്ന്ന നേതാക്കളുമായി ചര്ച്ച നടത്തിയ ശേഷം ദേവികുളത്ത് എല്ഡിഎഫ് തെരഞ്ഞെടുപ്പ് കണ്വെന്ഷനില് പങ്കെടുത്തിരുന്നു.
അതോടെ ബിജെപിയിലേക്ക് എന്ന അഭ്യൂഹങ്ങള്ക്ക് താല്ക്കാലികമായി അവസാനമുണ്ടായി. എന്നാല് ഈ കണ്വെന്ഷന് ശേഷമാണ് എസ് രാജേന്ദ്രന് പ്രകാശ് ജാവദേക്കറുമായി കൂടിക്കാഴ്ച നടത്തിയത്.