തൃപ്പൂണിത്തുറ സ്ഫോടനം; മരണം രണ്ടായി
കൊച്ചി: തൃപ്പൂണിത്തുറ സ്ഫോടത്തില് ചിയില്സയിലായിരുന്ന ആളും മരിച്ചു. ഗുരുതരമായി പരിക്കേറ്റ ദിവാകരന് (55) ആണ് മരിച്ചത്. അപകട സമയത്ത് തിരുവനന്തപുരം സ്വദേശി വിഷ്ണു നേരത്തെ മരിച്ചിരുന്നു. ഇതോടെ തൃപ്പൂണിത്തുറ സ്ഫോടനത്തില് മരണം രണ്ടായി.
തൃപ്പൂണിത്തുറ പുതിയകാവിലുണ്ടായ സ്ഫോടനത്തില് മനുഷ്യാവകാശ കമ്മീഷന് കേസെടുത്തു. ജില്ലാ കളക്ടറും എറണാകുളം സിറ്റി പൊലീസ് കമ്മീഷണറും സ്ഫോടനത്തെക്കുറിച്ച് അന്വേഷണം നടത്തി 15 ദിവസത്തിനകം റിപ്പോര്ട്ട് സമര്പ്പിക്കണമെന്നും മനുഷ്യാവകാശ കമ്മീഷന് ഉത്തരവിട്ടു. പുതിയകാവില് പടക്ക സംഭരണ കേന്ദ്രത്തിലുണ്ടായ സ്ഫോടനത്തില് പരിക്കേറ്റ അഞ്ചു പേരാണ് കളമശ്ശേരി സര്ക്കാര് മെഡിക്കല് കോളേജില് ചികിത്സയിലുള്ളത്. ബേണ് ഐസിയുവിലാണ് ഇവരെ പ്രവേശിപ്പിച്ചിരിക്കുന്നത്. കൊല്ലം പാരിപ്പിള്ളി സ്വദേശി അനിലിനെയും (49), അടിയന്തര ശാസ്ത്രക്രിയക്ക് വിധേയമാക്കി. ഇവര്ക്ക് പുറമെ മധുസൂദനന് (60), ആദര്ശ് (29), ആനന്ദന് (69) എന്നിവരും ബേണ് ഐസിയുവില് ചികിത്സയിലാണ്. വിദഗ്ധ ഡോക്ടര്മാരുടെ നേതൃത്വത്തിലുള്ള പ്രത്യേക മെഡിക്കല് ബോര്ഡ് രൂപീകരിച്ച് ചികിത്സ ലഭ്യമാക്കിവരുകയാണെന്ന് മെഡിക്കല് കോളേജിലെ സൂപ്രണ്ട് ഡോ. ഗണേഷ് മോഹന് അറിയിച്ചു.