കോഴിക്കോട് നിപ്പാ വൈസ് ബാധിച്ച് 12വയസ്സുകാരൻ മരിച്ചു.
കോഴിക്കോട്: നിപ്പാ ലക്ഷണങ്ങളോടെ ചികിത്സയിലിരുന്ന 12 കാരൻ മരിച്ചു. കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്നു. ഇന്ന് പുലർച്ചെ ആയിരുന്നു മരണം. കുട്ടിക്ക് നിപ്പാ ആയിരുന്നു എന്ന് ഔദ്യോഗികമായി ആരോഗ്യ മന്ത്രി വീണ ജോര്ജ്ജ് സ്ഥിരീകരിച്ചു . കുട്ടിയുടെ സമ്പർക്ക ബാധിതരെ കണ്ടെത്താൻ നടപടി തുടങ്ങിയിട്ടുണ്ട്. ആരോഗ്യമന്ത്രിയും ദില്ലിയില് നിന്നുള്ള വിദഗ്ധ സംഘവും ഇന്ന് കോഴിക്കോട്ടെത്തും.
നേരത്തെ ഈ കുട്ടിക്ക് കൊവിഡ് ബാധിച്ചിരുന്നു. പനി മാറാഞ്ഞതിനെത്തുടർന്നാണ് ആശുപത്രിയിൽ പ്രവേശിപ്പിച്ചത്. തുടര്ന്ന് പുണെയില് നടത്തിയ ആദ്യ സ്രവ പരിശോധനാഫലത്തില് കുട്ടി നിപ്പാ പോസിറ്റീവാണ്. പിന്നീട് ഇന്നലെ വന്ന രണ്ട് പരിശോധനാഫലവും പോസീറ്റിവാണ്. അതീവ ജാഗ്രതയിലാണ് ആരോഗ്യവകുപ്പ്. ആരോഗ്യമന്ത്രി വീണ ജോര്ജ് കോഴിക്കോട്ടേക്ക് തിരിച്ചിട്ടുണ്ട്. കൊവിഡ് ക്വാറന്റീനില് ആയിരുന്നതിനാല് അധികം സമ്പര്ക്കമില്ല. കുട്ടിയോട് ഇടപഴകിയായ ആളുകളുടെ പരിശോധനകളുടെ അന്തിമ ഫലം കാത്തിരിക്കുകയാണ് ആരോഗ്യവകുപ്പ്.