കോട്ടയത്ത് മൂന്നിടങ്ങളില് പക്ഷിപ്പനി സ്ഥിരീകരിച്ചു.
കോട്ടയത്ത് പക്ഷിപ്പനി സ്ഥിരീകരിച്ചു. വെച്ചൂര്, അയ്മനം, കല്ലറ എന്നിവിടങ്ങളില് നിന്നുള്ള സാമ്പിളുകളില് പക്ഷിപ്പനി സ്ഥിരീകരിച്ചതായി ജില്ലാ കളക്ടര് ഡോ. പി.കെ. ജയശ്രീയാണ് അറിയിച്ചത്.ഭോപ്പാലിലെ നാഷണല് ഇന്സ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമല് ഡിസീസസ് ലാബില് അയച്ച സാമ്പിളുകളുടെ പരിശോധനയിലാണ് പക്ഷിപ്പനി സ്ഥിരീകരിച്ചത്. തുടര് നടപടി സ്വീകരിക്കുന്നതിന് പഞ്ചായത്ത് പ്രസിഡന്റുമാരുടെയും ഉദ്യോഗസ്ഥരുടെയും അടിയന്തര യോഗം കളക്ടറേറ്റില് നടക്കുകയാണ്.വ്യാഴാഴ്ച ആലപ്പുഴ കുട്ടനാട്ടില് വീണ്ടും പക്ഷിപ്പനി സ്ഥിരീകരിച്ചിരുന്നു. ആദ്യം രോഗം കണ്ടെത്തിയ തകഴി പഞ്ചായത്ത് പത്താം വാര്ഡില് താറാവുകളെ അഗ്നിക്കിരയാക്കി. ഇതിനായി 10 ടീമുകളെ നിയോഗിച്ചിരുന്നു. ചത്ത താറാവുകളുടെ സാംപിള് പരിശോധയില് ഒ5 ച1 വൈറസാണ് കണ്ടെത്തിയത്.ഭോപ്പാലിലെ ലാബില് നടത്തിയ സാംപിള് പരിശോധനയിലാണ് രോഗം സ്ഥിരീകരിച്ചത്. ഇതോടെ കുട്ടനാട്ടിലെ 11 പഞ്ചായത്തുകളില് താറാവുകളെയും മറ്റ് വളര്ത്ത് പക്ഷികളെയും കൈമാറുന്നതിനും കൊണ്ടു പോകുന്നതിനും നിരോധനം ഏര്പ്പെടുത്തി. പനിയോ മറ്റ് രോഗങ്ങളോ പടരുന്നുണ്ടോ എന്ന് നിരീക്ഷിക്കാന് ആരോഗ്യ വകുപ്പിനും നിര്ദേശം നല്കിയിട്ടുണ്ട്.