കൊല്ലം ഓയൂരില് 6 വയസ്സുകാരിയെ തട്ടിക്കൊണ്ടു പോയെന്ന് പരാതി
കൊല്ലം: കൊല്ലം ഓയൂരില് 6 വയസ്സുകാരിയെ തട്ടിക്കൊണ്ടു പോയെന്ന് പരാതി. ഓയൂര് സ്വദേശി റെജിയുടെ മകള് അഭികേല് സാറ റെജിയെയാണ് കാണാതായത്. ഓയൂര് കാറ്റാടിമുക്കില് വെച്ച് കാറില് എത്തിയ സംഘമാണ് തട്ടിക്കൊണ്ടുപോയതെന്ന് പരാതിയില് പറയുന്നു. വെള്ള നിറത്തിലുള്ള ഹോണ്ട അമയിസ് കാറിലാണ് തട്ടിക്കൊണ്ടുപോയത്. മൂത്ത മകന് ജോനാഥനൊപ്പം ട്യൂഷന് പോകുമ്പോഴാണ് സംഭവം. പരാതിയുടെ അടിസ്ഥാനത്തില് പൂയപ്പള്ളി പൊലീസ് അന്വേഷണം തുടങ്ങി.ഇന്ന് വൈകുന്നേരമാണ് സംഭവം. കാറില് നാലുപേരുണ്ടായിരുന്നുവെന്ന് കുട്ടിയുടെ സഹോദരന് പറഞ്ഞു. കാറില് നാലുപേര് ഉണ്ടായിരുന്നെന്ന് സഹോദരന് പറഞ്ഞു. മൂന്നു പുരുഷന്മാരും ഒരു സ്ത്രീയുമാണ് കാറിലുണ്ടായിരുന്നത്. ഒരു പേപ്പര് തന്ന് അമ്മയ്ക്ക് കൊടുക്കുമോ എന്ന് കാറിലുള്ളവര് പറഞ്ഞതായി സഹോദരന് പറയുന്നു. പെണ്കുട്ടിയെ കാറിലേക്ക് വലിച്ചിഴച്ചു കൊണ്ടുപോയി. ആണ്കുട്ടി തടുക്കാന് ശ്രമിച്ചപ്പോള് കാര് പെട്ടെന്ന് മുന്നോട്ടെടുക്കുകയും ആണ്കുട്ടി താഴെ വീഴുകയുമായിരുന്നു. ദൃശ്യങ്ങളില് കാറ് കണ്ടെത്തി. എന്നാല് കാറിന്റെ നമ്പര് ദൃശ്യങ്ങളില് വ്യക്തമല്ല. അതേസമയം, തിരുവനന്തപുരം രജിസ്ട്രേഷനാണെന്ന് പൊലീസ് പറയുന്നു. അതേസമയം, കാറിന്റെ നമ്പര് വ്യാജമാകാനും സാധ്യതയുണ്ട്.