കൈക്കൂലി കേസ്: തമിഴ്നാട് മന്ത്രി സെന്തില് ബാലാജിയെ ഇഡി അറസ്റ്റ് ചെയ്തത്
ചെന്നൈ: കൈക്കൂലി കേസില് തമിഴ്നാട് വൈദ്യുതി എക്സൈസ് മന്ത്രി വി സെന്തില് ബാലാജിയെ ഇഡി അറസ്റ്റ് ചെയ്തു. ജയലളിത സര്ക്കാരില് മന്ത്രിയായിരിക്കെ ജോലിക്ക് കൈക്കൂലി വാങ്ങിയെന്നാണ് കേസ്. നിലവില് ഡിഎംകെ സര്ക്കാരില് വൈദ്യുതി – എക്സൈസ് മന്ത്രിയാണ്. 17 മണിക്കൂര് ചോദ്യം ചെയ്ത ശേഷം ആണ് അറസ്റ്റ് രേഖപ്പെടുത്തിയത്. മന്ത്രിയുടെ ഓഫീസിലും വീട്ടിലും ഇഡി ഇന്നലെ പരിശോധന നടത്തിയിരുന്നു. അറസ്റ്റ് രേഖപ്പെടുത്തിയ സെന്തില് ബാലാജിയെ നെഞ്ചുവേദനയെ തുടര്ന്ന് ആശുപത്രിയിലേക്ക് മാറ്റി. അറസ്റ്റില് പ്രതിഷേധവുമായി ഡിഎംകെ രംഗത്തെത്തി. അറസ്റ്റ് നിയമവിരുദ്ധമെന്നും, നിയമപരമായി നേരിടുമെന്നും ഡിഎംകെ പറഞ്ഞു. ഉദയ്നിധി സ്റ്റാലിന് ഉള്പ്പെടെയുള്ള മന്ത്രിമാര് ആശുപത്രിയില് എത്തി. ബിജെപി വിരട്ടിയാല് പേടിക്കില്ലെന്ന് ഉദയ്നിധി സ്റ്റാലിന് പ്രതികരിച്ചു.