കാറില് യുവാവിന്റെ മൃതദേഹം കത്തിക്കരിഞ്ഞ നിലയില് കണ്ടെത്തി
എടത്വ: എടത്വ തായങ്കരി ബോട്ട് ജെട്ടിയ്ക്ക് സമീപം യുവാവിന്റെ മൃതദേഹം കാറില് കത്തിക്കരിഞ്ഞ നിലയില് കണ്ടെത്തി. എടത്വ പൊലീസ് സ്ഥലത്തെത്തി അന്വേഷണം ആരംഭിച്ചു. കാറിനകത്തെ മൃതദേഹം തിരിച്ചറിഞ്ഞിട്ടില്ല. എടത്വ സ്വദേശി ജയിംസ്കുട്ടി ( 49) ആണ് മരിച്ചതെന്നാണ് സംശയിക്കുന്നത്. ജയിംസ് കുട്ടിയുടേതാണ് കാര്. മൃതദേഹം പൂര്ണമായി കത്തിക്കരിഞ്ഞ നിലയിലാണ്. ഇന്ന് പുലര്ച്ചെ നാലരയോടെയാണ് കാര് കത്തിയത്. തകഴിയില് നിന്നെത്തിയ അഗ്നിശമന സേന തീയണച്ചു കഴിഞ്ഞപ്പോഴാണ് ഉള്ളില് മൃതദേഹം കണ്ടെത്തിയത്. കാര് പൂര്ണമായി കത്തി നശിച്ചു. കാര് കത്തിയതിന് പിന്നിലെ കാരണം വ്യക്തമല്ല.