കാഞ്ഞിരപ്പള്ളി അമല്ജ്യോതി എഞ്ചിനീയറിംഗ് കോളേജ് വിദ്യാര്ഥിനിയുടെ മരണം: പ്രതിഷേധം
കോട്ടയം : കാഞ്ഞിരപ്പള്ളി അമല്ജ്യോതി എഞ്ചിനീയറിംഗ് കോളേജ് രണ്ടാം വര്ഷ ഫുഡ് ടെക്ക്നോളജി വിദ്യാര്ഥിനിയുടെ മരണത്തില് പ്രതിഷേധം ശക്തമാകുന്നു. കുഞ്ഞിനെ മാനസികമായി പീഡിപ്പിച്ചു; മകള് പോയി എന്ന് ഒരു മര്യാദപോലും ഇല്ലാതെ കോളേജ് മാനേജര് പച്ചയ്ക്ക് പിതാവിനെ അറിയിച്ചു. പരീക്ഷയില് തോറ്റ മാനസിക വിഷമം മൂലമാണ് മകള് മരിച്ചതെന്ന അറിയിച്ചു. ശ്രദ്ധ സതീഷിന്റെ ആത്മഹത്യയ്ക്ക് കാരണം കോളേജ് മാനേജ്മെന്റിന്റെ ഭാഗത്ത് നിന്നുണ്ടായ മാനസിക പീഡനമാണെന്നുള്ള ആരോപണം ശക്തമാകുന്നത് . അധ്യാപകരുടെ മാനസിക പീഡനമൂലമാണെന്ന് സഹപാഠികളുടെ ആരോ പണമാണ് ശക്തമായിരിക്കുന്നത്. കോളേജിലെ ലാബില് ഉപയോഗിച്ച മൊബൈല് ഫോണ് അധ്യാപകര് പിടിച്ചെടുത്തതിന് പിന്നാലെ 03 06 വെള്ളിയാഴ്ച രാത്രിയാണ് ശ്രദ്ധയെ ഹോസ്റ്റല് മുറിയില് തൂങ്ങിമരിച്ച നിലയില് കണ്ടെത്തിയത്. രാത്രി ഒമ്പതോടെ കോളജ് ഹോസ്റ്റലിലെ ഫാനില് തൂങ്ങിയ നിലയില് കണ്ടെത്തിയ ശ്രദ്ധയെ ഉടനെ തന്നെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. കാഞ്ഞിരപ്പള്ളി അമല്ജ്യോതി എന്ജിനീയറിങ് കോളേജിലെ രണ്ടാം വര്ഷ ഫുഡ് ടെക്ക്നോളജി വിദ്യാര്ഥിനി ശ്രദ്ധ(20)യുടെ മരണത്തില് കോളേജിനെതിരെ ഗുരുതരമായ ആരോപണവുമായി കുടുംബം രംഗത്തെത്തിയിരുന്നു. അധ്യാപകരുടെ മാനസിക പീഡനമാണ് ശ്രദ്ധ തൂങ്ങിമരിക്കാന് കാരണമെന്ന് കുടുംബം ആരോപിച്ചു. പെണ്കുട്ടിയെ ആശുപത്രിയിലെത്തിക്കുന്നതില് കോളേജ് അധികൃതര് മനപൂര്വമായ വീഴ്ച്ച വരുത്തിയെന്നും കുടുംബം കുറ്റപ്പെടുത്തി. തൃപ്പൂണിത്തുറ തിരുവാങ്കുളം സ്വദേശിയാണ് ശ്രദ്ധ. എച്ച്ഒഡി എന്തൊക്കെയോ മകളോട് സംസാരിച്ചിട്ടുണ്ട്, അവളെ ഹരാസ് ചെയ്തിട്ടുണ്ട്, ക്യാബിനില് നിന്നും പുറത്തേക്ക് പോയതോടെയാണ് ശ്രദ്ധയ്ക്ക് സമനില തെറ്റിയത് പോലെ തോന്നിയതെന്ന്’ സുഹൃത്തുക്കള് പറഞ്ഞതായി പിതാവ് പറഞ്ഞു. കുട്ടി തലകറങ്ങി വീണതാണ് എന്നാണ് കോളേജ് അധികൃതര് ഡോക്ടറോട് പറഞ്ഞത്, ആത്മഹത്യാശ്രമമാണ് എന്ന് പറഞ്ഞിരുന്നെങ്കില് ആ സാഹചര്യം അനുസരിച്ചുള്ള ചികിത്സ ലഭിച്ചേനേ, കോളേജ് അധികൃതര് കള്ളം പറഞ്ഞതുകൊണ്ടാണ് ശരിയായ ചികിത്സ ലഭിക്കാഞ്ഞതെന്ന് ശ്രദ്ധയുടെ ബന്ധുവും ആരോപിച്ചു.
തിരുവനന്തപുരം: കേരളത്തിലെ മാനേജ്മെന്റ് കോളേജുകളില് രാഷ്ട്രീയ സ്വാതന്ത്ര്യം അനുവദിക്കണമെന്ന് കെ എസ് യു സംസ്ഥാന പ്രസിഡന്റ് അലോഷ്യസ് സേവ്യര്. അതിനായി സര്ക്കാര് പ്രത്യേക ബില്ല് കൊണ്ടുവരണം. കാഞ്ഞിരപ്പള്ളി അമല് ജ്യോതി കോളേജില് ഒരു വിദ്യാര്ത്ഥിനി ആത്മഹത്യ ചെയ്ത പശ്ചാതലത്തില് കേരളത്തിലെ മാനേജ്മെന്റ് കോളേജുകളില് വിദ്യാര്ത്ഥികള് നേരിടുന്ന മാനസിക സമ്മര്ദ്ദവും വിദ്യാര്ത്ഥി അവകാശ ലംഘനത്തെ പറ്റിയും സമഗ്രമായി പഠിക്കാന് സര്ക്കാര് കമ്മീഷനെ വയ്ക്കണമെന്നും അലോഷ്യസ് സേവ്യര് പറഞ്ഞു. ബിജെപിയും എബിവിപിയും അടക്കമുള്ള സംഘടനകള് ശക്തമായ പ്രതിഷേധവുമായി രംഗത്തുണ്ട്. എസ് എഫ് ഐ യും ഇന്ന് കോളേജിലേക്ക് പ്രതിഷേധ മാർച്ച് നടത്തി. കാഞ്ഞിരപ്പള്ളി അമല്ജ്യോതി എന്ജിനീയറിംഗ് കോളെജിലെ രണ്ടാം വര്ഷ ഫുഡ് ടെക്നോളജി വിദ്യാര്ഥിനി ശ്രദ്ധയുടെ മരണത്തില് പ്രതികരണവുമായി നടന് ഷെയ്ന് നിഗം. ഇത് ഒരു ഒറ്റപ്പെട്ട സംഭവമായി അധികാരികള് കാണരുതെന്നും തങ്ങള് നേരിടുന്ന പ്രശ്നങ്ങള് ചൂണ്ടിക്കാട്ടുന്ന വിദ്യാര്ഥികളെ കേരളം കേള്ക്കണമെന്നും ഷെയ്ന് സോഷ്യല് മീഡിയയില് കുറിച്ചു.
കോട്ടയം: വിദ്യാര്ഥികളെ പോലെ തന്നെ മാനേജ്മെന്റും ശ്രദ്ധയുടെ മരണത്തില് ദു:ഖിതരാണെന്ന് ഫാദര് മാത്യു പായിക്കാട്. ശ്രദ്ധ കുഴഞ്ഞുവീണു എന്ന തരത്തില് തെറ്റിദ്ധരിപ്പിക്കാന് ശ്രമിച്ചിട്ടില്ല. താന് തന്നെയാണ് സംഭവം പൊലീസിനെ നേരിട്ട് വിളിച്ച് അറിയിച്ചതെന്നും കോളജ് മാനേജര് പറഞ്ഞു.മരണ കാരണം അന്വേഷിക്കാന് ജില്ലാ പൊലിസ് മേധാവിക്ക് പരാതി നല്കി. ഒരു മാസത്തെ അവധിക്ക് ശേഷം കുട്ടി തിരിച്ചെത്തിയതിന്റെ അടുത്ത ദിവസം ആയിരുന്നു ആത്മഹത്യ. കുട്ടി ആത്മഹത്യാ ശ്രമം നടത്തിയ ഉടന് പൊലിനെ വിവരം അറിയിച്ചു. കുഴഞ്ഞു വീണു എന്ന് പറഞ്ഞിട്ടില്ലെന്നും ഫാദര് മാത്യു പായിക്കാട് പറയുന്നു. അസ്വാഭാവിക മരണത്തിന് കാഞ്ഞിരപ്പള്ളി പോലീസ് കേസെടുത്തു.