കവിയത്രി സുഗതകുമാരിയുടെ സംസ്കാരം ശാന്തികവാടത്തില് നടന്നു.
ഇന്ന് രാവിലെ അന്തരിച്ച കവിയത്രി സുഗതകുമാരിയുടെ സംസ്കാരം തിരുവനന്തപുരം ശാന്തികവാടത്തില് നടന്നു. കൊവിഡ് ബാധിതയായി ചികിത്സയില് കഴിയുന്നതിനിടെയാണ് സുഗതകുമാരിയുടെ ആരോഗ്യനില വഷളായതും പിന്നെ മരണപ്പെട്ടതും. തിരുവനന്തപുരം മെഡിക്കല് കോളേജില് നിന്നും ആംബുലന്സില് നേരിട്ട് തൈക്കാട് ശാന്തികവാടത്തില് എത്തിച്ച മൃതദേഹത്തിന് നന്ദാവനം പൊലീസ് ക്യാംപിലെ പൊലീസുകാര് ഔദ്യോഗിക യാത്രയപ്പ് നല്കി.സുഗതകുമാരിയുടെ മകള് ലക്ഷ്മിയും സഹോദരിമാരുടെ മക്കളായ ശ്രീദേവി, പത്മനാഭന് ചെറുമകന് വിഷ്ണു എന്നിവര് മാത്രമാണ് ബന്ധുക്കളെന്ന നിലയില് സംസ്കാര ചടങ്ങില് പങ്കെടുത്തത്. ബന്ധുക്കളും പൊലീസുകാരും ശാന്തികവാടം ജീവനക്കാരുമടക്കം എല്ലാവരും പിപിഇ കിറ്റ് ധരിച്ചാണ് സംസ്കാര ചടങ്ങുകളില് പങ്കെടുത്തത്.