ഇന്ത്യന് റോഡുകള് അഞ്ച് വര്ഷത്തിനുള്ളില് യുഎസ് നിലവാരത്തില് :കേന്ദ്ര ഗതാഗത വകുപ്പ് മന്ത്രി
ഇന്ത്യയിലെ ദേശീയപാതകളെ അഞ്ച് വര്ഷത്തിനുള്ളില് യുഎസ് റോഡുകളോടു കിടപിടിക്കുന്നവയാക്കുമെന്ന് കേന്ദ്ര ഗതാഗത വകുപ്പ് മന്ത്രി നിതിന് ഗഡ്കരി.ഇതോടെ രാജ്യത്തെ മെട്രോ നഗരങ്ങളിലെ തിരക്ക്, യാത്രാസമയം,റോഡപകടങ്ങള് എന്നിവ കുറയ്ക്കാനും സാധിക്കുമെന്ന് അദ്ദേഹം പറഞ്ഞു.കഴിഞ്ഞ ഒന്പതു വര്ഷം കൊണ്ട് 50 ലക്ഷം കോടി രൂപയുടെ പദ്ധതികള്ക്കാണ് ഗതാഗതമന്ത്രാലയം അനുമതി നല്കിയത്.ഇതിനു പുറമേ നിലവിലുള്ള നയങ്ങള് മെച്ചപ്പെടുത്തി കരാറുകള് നല്കുന്നതിലെ സങ്കീര്ണതകള് ലളിതമാക്കി.’ഒരു കരാറുകാരനും എന്റെ അടുക്കല് വരേണ്ടതില്ല.സുതാര്യവും സമയബന്ധിതവുമായാണ് എല്ലാ തീരുമാനങ്ങളുമെടുക്കുന്നത്.മന്ത്രാലയം, കരാറുകാര്, ബാങ്കുകള് എന്നിവ ഒരു കുടുംബമാണ്.മികച്ച ജോലിയെ പ്രോത്സാഹിപ്പിക്കുന്നതുകൊണ്ടാണ് അടിസ്ഥാന സൗകര്യവികസനത്തില് ഗതാഗതമന്ത്രാലയത്തിന് ഏഴ് ലോക റെക്കോര്ഡുകളുള്ളത്.ഇതൊരു വലിയ നേട്ടമാണ്. അടുത്ത അഞ്ചുവര്ഷത്തിനുള്ളില് ഇന്ത്യയിലെ റോഡുകള് യുഎസ് നിലവാരത്തിലെത്തും’.