അച്ഛനെ ചില നേതാക്കള് അപമാനിച്ചു :നേതൃത്വത്തോട് പറഞ്ഞെങ്കിലും നിസ്സാരമായി എടുത്തു; പത്മജ വേണുഗോപാല്
കെ.കരുണാകരനെ പോലും ചില നേതാക്കള് അപമാനിച്ചു.നേതൃത്വത്തോട് പറഞ്ഞെങ്കിലും നിസ്സാരമായി എടുക്കുകയായിരുന്നു.അച്ഛന് സ്മാരകം പോയിട്ട് ഒരു കല്ലുപോലും കോണ്ഗ്രസ് വെയ്ക്കില്ലെന്ന് പത്മജ വേണുഗോപാല്. ബിജെപി നേതാക്കള്ക്കൊപ്പം വാര്ത്താസമ്മേളനത്തില് പങ്കെടുക്കവേയാണ് പത്മജയുടെ പരാമര്ശം. തന്റെ അമ്മയെ അപമാനിച്ച രാഹുല് മാങ്കൂട്ടത്തിനെതിരെ കേസ് കൊടുക്കും. കെ. കരുണാകരന്റെ മകള് അല്ല എന്നാണ് രാഹുല് പറഞ്ഞത്. രാഹുല് ടി.വിയില് ഇരുന്ന് നേതാവായ ആളാണ്. അയാള് ജയിലില് കിടന്ന കഥയൊക്കെ അറിയാമെന്നും തന്നെകൊണ്ട് പറയിപ്പിക്കരുതെന്നും പത്മജ വ്യക്തമാക്കി.