ബിനീഷ് കോടിയേരിയുടെ വീടിന് മുമ്പില് ബന്ധുക്കളുടെ പ്രതിഷേധം.
ബിനീഷ് കോടിയേരിയുടെ മരുതംകുഴിയിലെ വീടിന് മുമ്പില് ബന്ധുക്കളുടെ പ്രതിഷേധം. വീടിനുള്ളിലുള്ള ബന്ധുക്കളെ കാണണമെന്ന് ആവശ്യപ്പെട്ട് പൊലീസ് ഉദ്യോഗസ്ഥരുമായി ബന്ധുക്കള് വാക്കേറ്റമുണ്ടായി. ബിനീഷിന്റെ അമ്മയുടെ സഹോദരിയും ഭര്ത്താവും മക്കളുമാണ് എത്തിയത്. വീട്ടുകാരെ കണ്ടില്ലെങ്കില് സത്യഗ്രഹമിരിക്കുമെന്ന് ബന്ധുക്കള് പറഞ്ഞു.അതേസമയം അകത്തേക്ക് പ്രവേശിക്കാന് ഉദ്യോഗസ്ഥര് അനുമതി നല്കിയില്ല. അകത്തുള്ളവരെ കാണാന് ഇപ്പോ സാധിക്കില്ലെന്നാണ് ഉദ്യോഗസ്ഥര് ബന്ധുക്കളെ അറിയിച്ചത്. അനുമതി നല്കുന്നതു വരെ ഗേറ്റിന് പുറത്ത് കുത്തിയിരിക്കുമെന്ന് ബന്ധുക്കള് പ്രതികരിച്ചു. ബന്ധുക്കളിലൊരാള് താന് അഭിഭാഷകയാണെന്ന് അറിയിച്ചിട്ടും കടത്തിവിടാനാവില്ലെന്ന നിലപാടാണ് ഇ.ഡി ഉദ്യോഗസ്ഥര് സ്വീകരിച്ചത്.’വീട്ടിനുള്ളില് എന്താണ് നടക്കുന്നതെന്ന് ഞങ്ങള്ക്കറിയണം. രണ്ട് സ്ത്രീകളും രണ്ടര വയസ്സുള്ള കുട്ടി പോലും വീടിനുള്ളിലുണ്ട്. അവര്ക്ക് എന്ത് സംഭവിച്ചുവെന്ന് അറിയണം. വീട്ടുതടങ്കലില് വെച്ചത് പോലെയാണ് ഇപ്പോഴുള്ളത്. ഫോണിലൂടെ ബന്ധപ്പെടാന് പോലും സാധിക്കുന്നില്ല. നിയമനടപടിയുമായി മുന്നോട്ടു പോവും. മനുഷ്യത്വത്തിന്റെ പേരിലെങ്കിലും ഉള്ളിലുള്ളവരെ കാണാന് അനുവദിക്കണമെന്നും ബന്ധുക്കള് പറഞ്ഞു. ക്രെഡിറ്റ് കാര്ഡ് അവര് കൊണ്ടുവെച്ചതായിരിക്കും. കാര്ഡ് വീട്ടില് നിന്ന് കണ്ടെത്തിയതാണെന്ന് സമ്മതിക്കില്ലെന്നാണ് ബിനീഷിന്റെ അമ്മയുടെ സഹോദരി പറഞ്ഞത്.
എന്നാല് ബന്ധുക്കളെ ഇപ്പോള് കാണേണ്ടെന്നാണ് ബിനീഷിന്റെ ഭാര്യ പറഞ്ഞതെന്ന് ഇ.ഡി ഉദ്യോഗസ്ഥര് പൊലീസിനെ അറിയിക്കുകയും അത് ബന്ധുക്കളെ അറിയിക്കുകയുമായിരുന്നു. ഇത് ഭീഷണിപ്പെടുത്തി പറയിച്ചതായാകാമെന്നും ബന്ധുക്കള് പറയുന്നു. ഇതോടെ കൂടുതല് പൊലീസ് ഉദ്യോഗസ്ഥര് സ്ഥലത്തെത്തി. ഇവിടെ പ്രതിഷേധം അനുവദിക്കില്ലെന്ന് പൊലീസ് പ്രതികരിച്ചു. ബന്ധുക്കള് കൊണ്ടുവന്ന ഭക്ഷണം വീടിനകത്തെത്തിച്ചു. ബിനീഷിന്റെ വീട്ടിലെ റെയ്ഡ് 24 മണിക്കൂര് പിന്നിട്ടു. റെയ്ഡ് ഇപ്പോഴും തുടരുകയാണ്. ബന്ധുക്കളുടെ പ്രതിഷേധത്തെ തുടര്ന്ന് പൂജപ്പുരയില് നിന്നുള്ള പോലീസ് സംഘവും സ്ഥലത്തെത്തിയിട്ടുണ്ട്.രാത്രിയോടെ റെയ്ഡ് അവസാനിച്ചെങ്കിലും കണ്ടെടുത്ത രേഖകളും മറ്റും രേഖപ്പെടുത്തി മഹസറില് ഒപ്പിടാന് ബിനീഷിന്റെ ഭാര്യ വിസമ്മതിച്ചു. വീട്ടില് നിന്ന് ക്രെഡിറ്റ് കാര്ഡ് കണ്ടെടുത്തുവെന്നും ഇത് പ്രതി അനൂപ് മുഹമ്മദിന്റേതാണെന്നുമാണ് റിപ്പോര്ട്ട്. എന്നാല് ഈ ക്രെഡിറ്റ് കാര്ഡ് അന്വേഷണ ഉദ്യോഗസ്ഥര് കൊണ്ടുവെച്ചതാണെന്നാണ് ബിനീഷിന്റെ ഭാര്യ പറയുന്നത്. ഇതോടെ രാത്രി മുഴുവനും ഈ നേരംവരെയും അന്വേഷണ ഉദ്യോഗസ്ഥരും വീട്ടില് തുടരുകയാണ്.