കണ്ണൂര്‍ വിമാനത്താവളത്തില്‍ നിന്ന 60 ലക്ഷത്തിന്റെ സ്വര്‍ണവുമായി യാത്രക്കാരന്‍ പിടിയില്‍
കണ്ണൂര്‍ വിമാനത്താവളത്തില്‍ വീണ്ടും സ്വര്‍ണക്കടത്ത്. 60 ലക്ഷം രൂപ വിലവരുന്ന 1,255 ഗ്രാം സ്വര്‍ണവുമായി കാസര്‍കോട് സ്വദേശി മുഹമ്മദ് കമറുദ്ദീനെയാണ് കസ്റ്റംസ് സംഘം പിടികൂടിയത്.
ഇന്ന് രാവിലെ ആറിനെത്തിയ എ 8 4018 ഷാര്‍ജ -കണ്ണൂര്‍ വിമാനത്തിലാണ് കമറുദ്ദീനെത്തിയത്. പരിശോധനയ്ക്ക് കസ്റ്റംസ് അസി. കമ്മീഷണര്‍ മുഹമ്മദ് ഫായിസ്, സൂപ്രണ്ടുമാരായ കെ സുകുമാരന്‍, സി വി മാധവന്‍, ഇന്‍സ്പെക്ടര്‍മാരായ അശോക് കുമാര്‍, ഹബീബ്, നിഖില്‍, സൂരജ് ഗുപ്ത, മനീഷ്, സന്ദീപ് കുമാര്‍, ജുബൈര്‍ ഖാന്‍ തുടങ്ങിയവര്‍ നേതൃത്വം നല്‍കി.
