സിപിഎം തിരുവാതിരക്കെതിരെ പൊലീസില് പരാതി നല്കിയത് കെപിസിസി സെക്രട്ടറി
തൃശൂര്: സിപിഎം തൃശൂര് തെക്കുംകരയില് നടത്തിയ തിരുവാതിരക്കെതിരെ കെപിസിസി സെക്രട്ടറി രാജേന്ദ്രന് അരങ്ങത്താണ് സിറ്റി പൊലീസ് കമ്മീഷണര്ക്ക് പരാതി നല്കിയത്. പൊലീസില് പരാതി. കെപിസിസി സെക്രട്ടറി കൊവിഡ് മാനദണ്ഡം ലംഘിച്ചതിനെതിരെയാണ് പരാതി. സിപിഎം തൃശൂര് ജില്ലാ സമ്മേളനത്തിന് മുന്നോടിയായാണ് തെക്കുംകര വെസ്റ്റ് ലോക്കല് കമ്മിറ്റി ഊരോംകാട് അയ്യപ്പ ക്ഷേത്ര പരിസരത്തായിരുന്നുതിരുവാതിരക്കളി സംഘടിപ്പിച്ചത്. തിരുവനന്തപുരത്തെ മെഗാതിരുവാതിര വിവാദമായിരിക്കെയാണ് സിപിഎം വീണ്ടുംതൃശൂരില് തിരുവാതിര സംഘടിപ്പിച്ചത്.കൊവിഡ് മാനദണ്ഡം പാലിച്ചാണ് തിരുവാതിര സംഘടിപ്പിച്ചതെന്നാണ് സംഘാടകരുടെ വിശദീകരണം. എല്ലാവരും മാസ്ക്ക് ധരിച്ചിരുന്നു. സാമൂഹിക അകലവും പാലിക്കാന് നിര്ദ്ദേശിച്ചിരുന്നു. പാറശാലയില് നടന്ന മെഗാ തിരുവാതിര തെറ്റായ നടപടിയെന്ന് പാര്ട്ടി തന്നെ സമ്മതിച്ചിരിക്കെയാണ് വീണ്ടും സമാനമായ പരിപാടി അവതരിപ്പിച്ചിരിക്കുന്നത്. തിരുവാതിരക്കളി പോലെ ആളുകള് കൂടുന്ന പരിപാടികള് തല്ക്കാലത്തേയ്ക്കു നിര്ത്തിവയ്ക്കാന് നിര്ദേശം നല്കിയതായി ജില്ലാ നേതൃത്വം അറിയിച്ചു.21 മുതല് 23 വരെയാണ് സിപിഎമ്മിന്റെ തൃശൂര് ജില്ലാ സമ്മേളനം. പാറശ്ശാലയില് സിപിഎം ജില്ലാ നേതൃത്വം നടത്തിയ മെഗാ തിരുവാതിരയില് സംസ്ഥാന നേതൃത്വം വിശദീകരണം തേടാന് തീരുമാനിച്ചിരിക്കെയാണ് പുതിയ തിരുവാതിര വിവാദം.