സത്യപ്രതിജ്ഞ ആഘോഷമാക്കരുതെന്ന് ബിനോയ് വിശ്വം
മുഖ്യമന്ത്രിക്ക് ഇത് മനസിലാകും
: സംസ്ഥാനത്ത് കോവിഡ് നിയന്ത്രണങ്ങള് കടുപ്പിക്കുമ്ബോഴും മുഖ്യമന്ത്രിയുടെ സത്യപ്രതിജ്ഞ ചടങ്ങില് വിവാദങ്ങള് ഏറുകയാണ്. എന്നാല് എല്ഡിഎഫ് മന്ത്രിസഭയുടെ സത്യപ്രതിജ്ഞ ആഘോഷമാക്കരുതെന്ന് സിപിഐ നേതാവും രാജ്യസഭാംഗവുമായ ബിനോയ് വിശ്വം. കോവിഡ്, ട്രിപ്പിള് ലോക്ഡൗണ്, മഴക്കെടുതി എന്നിവയുടെ സാഹചര്യത്തില് സത്യപ്രതിജ്ഞ മന്ത്രിമാര്, അവരുടെ രണ്ട് കുടുംബാംഗങ്ങള്, അനിവാര്യരായ ഉദ്യോഗസ്ഥര് മാത്രമായി പങ്കെടുക്കുന്ന വിധം ചുരുക്കുന്നതല്ലേ ഉചിതമെന്ന് ബിനോയ് വിശ്വം അഭിപ്രായപ്പെട്ടു.
എന്നാല് സര്ക്കാരിനെ അതിന്റെ പേരില് ജനങ്ങള് മാനിക്കുകയേ ഉള്ളൂ. നാം വ്യത്യസ്തരായി ചിന്തിക്കാനും പ്രവര്ത്തിക്കാനും കടപ്പെട്ടവരാണ്. ജനങ്ങള് അതാണ് നമ്മളില് നിന്ന് പ്രതീക്ഷിക്കുന്നത്. മുഖ്യമന്ത്രിക്ക് ഇത് മനസിലാകുമെന്ന് ഉറപ്പുണ്ടെന്നും ബിനോയ് വിശ്വം ഫെയ്സ്ബുക്കില് കുറിച്ചു.