സണ്ണി ലിയോണിന്റെ ജന്മദിനമായതില് പരീക്ഷ എഴുതാന് സാധിക്കില്ലെന്ന് ഉത്തരക്കടലാസില് എഴുതിയ വിദ്യാര്ത്ഥി.
സണ്ണി ലിയോണിന്റെ ജന്മദിനമായതില് പരീക്ഷ എഴുതാന് സാധിക്കില്ലെന്ന് ഉത്തരക്കടലാസില് എഴുതിയ വിദ്യാര്ത്ഥി.ബെംഗളൂരു സര്വകലാശാലയിലാണ് സംഭവം. ഒന്നാംവര്ഷ ബിരുദ കോഴ്സിന്റെ ആദ്യ സെമസ്റ്ററിലെ ഹിസ്റ്ററി പരീക്ഷയെഴുതിയ വിദ്യാര്ത്ഥിയാണ് ഉത്തരങ്ങള്ക്ക് പകരം ഇത്തരത്തില് കുറിച്ചത്. ‘ഇന്ന് സണ്ണി ലിയോണിന്റെ ജന്മദിനമാണ്. സണ്ണി ലിയോണ് എന്റെ കാമുകിയാണ്. അവരുടെ ജന്മദിനമായതിനാല് ഞാന് ഇന്ന് പരീക്ഷയെഴുതുന്നില്ല’, എന്നായിരുന്നു വിദ്യാര്ത്ഥി എഴുതിയ വാചകം. എല്ലാവരോടും നടിക്ക് ആശംസകള് അറിയിക്കണമെന്നും ഇയാള് കുറിച്ചുവെന്ന് ദ ഹിന്ദു റിപ്പോര്ട്ട് ചെയ്യുന്നു. സണ്ണി ലിയോണ് നായികയായി എത്തുന്ന പുതിയ ചിത്രം ഷീറോ അണിയറയില് ഒരുങ്ങുകയാണ്. മലയാളത്തിന് പുറമേ ഹിന്ദി, തെലുങ്ക്, തമിഴ് ഭാഷകളിലും ചിത്രം റിലീസ് ചെയ്യുന്നുണ്ട്. ഇക്കിഗായ് മോഷന് പിക്ച്ചേഴ്സിന്റെ ബാനറില് അന്സാരി നെക്സ്റ്റല്, രവി കിരണ് എന്നിവര് നിര്മിക്കുന്നത്. കുട്ടനാടന് മാര്പ്പാപ്പയ്ക്കു ശേഷം ശ്രീജിത്ത് സംവിധാനം ചെയ്യുന്ന ചിത്രം കൂടിയാണിത്. നേരത്തെ പുറത്തിറങ്ങിയ ചിത്രത്തിന്റെ ഫസ്റ്റ് ലുക്ക് ഏറെ ശ്രദ്ധനേടിയിരുന്നു. ‘അതിജീവനമാണ് എന്റെ പ്രതികാരം’ എന്ന അടിക്കുറിപ്പോടെയാണ് സണ്ണി ലിയോണ് പോസ്റ്റര് പങ്കുവെച്ചിരുന്നത്.