സംസ്ഥാനത്ത് ഇന്നും വ്യാപക മഴയ്ക്കു സാധ്യത
സംസ്ഥാനത്ത് ഇന്നും മഴയ്ക്കു സാധ്യത. 13 ജില്ലകളില് യെലോ അലര്ട്ട് പ്രഖ്യാപിച്ചു. കാസര്കോട് ഒഴികെയുള്ള ജില്ലകളിലാണ് മുന്നറിയിപ്പ്. മലയോര മേഖലകളില് ഒറ്റപ്പെട്ട കനത്ത മഴ ഉണ്ടാകും. രണ്ടാം തീയതി വരെ മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ വിലയിരുത്തല്.അടുത്ത 3 മണിക്കൂറില് എറണാകുളം, ആലപ്പുഴ, കോട്ടയം എന്നീ ജില്ലകളില് ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്കും മണിക്കൂറില് 40 കി.മീ വരെ വേഗത്തില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്നു കേന്ദ്ര കാലാവസ്ഥാ വകുപ്പ് അറിയിച്ചു.പത്തനംതിട്ട ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ചു. ജില്ലയില് യെലോ അലര്ട്ട് നിലനില്ക്കുന്നതിനാലും മലയോര മേഖലയില് ഒറ്റപ്പെട്ട കനത്ത മഴ തുടരുന്നതിനാലുമാണ് തീരുമാനമെന്ന് ജില്ലാ കലക്ടര് ദിവ്യ എസ്.അയ്യര് അറിയിച്ചു. മുന് നിശ്ചയപ്രകാരമുള്ള സര്വകലാശാലാ പരീക്ഷകള്ക്ക് മാറ്റമില്ല.