ശക്തമായ ഈര്‍പ്പക്കാറ്റിനും കനത്ത മഴയ്ക്കും സാധ്യത.
വിവിധ സംസ്ഥാനങ്ങളില്‍ അടുത്ത രണ്ട് ദിവസങ്ങളില്‍ ശക്തമായ ഈര്‍പ്പക്കാറ്റ് ( ) മൂലം കനത്ത മഴയ്ക്ക് സാധ്യതയുണ്ടെന്ന് ഇന്ത്യന്‍ കാലാവസ്ഥ വകുപ്പ് (ഐഎംഡി). ഹിമാചല്‍പ്രദേശ്, ഉത്തരാഖണ്ഡ്, ഹരിയാന, ഛണ്ഡീഗഡ് എന്നിവിടങ്ങളിലാണ് കനത്ത മഴയ്ക്ക് സാധ്യത.
ഒഡീഷ, ആന്ധ്രാപ്രദേശ്, തെലങ്കാന സംസ്ഥാനങ്ങളിലെ തീരപ്രദേശങ്ങളിലും ശക്തമായ മഴയ്ക്ക് സാധ്യതയുണ്ട്. ഗുജറാത്തിലും കൊങ്കണിലെയും ഗോവയിലെയും മലനിരകളോട് ചേര്‍ന്നുള്ള പ്രദേശങ്ങളിലും ശക്തമായ മഴ പെയ്തേക്കാമെന്നാണ് പ്രവചനം.
