രോഗി മരിച്ചത് ഹൃദയസ്തംഭനം മൂലമെന്ന് ഡോക്ടര്മാര് അറിയിച്ചെന്ന് ബന്ധു
തിരുവനന്തപുരം മെഡിക്കല് കോളജില് അവയവമാറ്റത്തിനിടെ രോഗി മരിച്ചത് ഹൃദയസ്തംഭനം മൂലമെന്ന് ഡോക്ടര്മാര് അറിയിച്ചെന്ന് ബന്ധു അനില്കുമാര്. ശസ്ത്രക്രിയയില് കാലതാമസമുണ്ടായോ എന്നതില് തെളിവില്ല. രോഗിയുടെ ആരോഗ്യസ്ഥിതി മോശമാണെന്ന് ഡോക്ടര്മാര് മുന്നറിയിപ്പ് നല്കിയിരുന്നുവെന്നും ബന്ധു പറഞ്ഞു. ശസ്ത്രക്രിയയുമായി മുന്നോട്ടുപോകാന് ഞങ്ങള് നിര്ദേശിച്ചെന്നും ബന്ധു അറിയിച്ചു. എന്നാല് രോഗി മരിച്ചതില് വീഴ്ചയുണ്ടായില്ലെന്നും രോഗിയെ സജ്ജമാക്കുന്നതിനുളള സമയം മാത്രമേ എടുത്തിട്ടുളളുവെന്നും നെഫ്രോളജി വിഭാഗം ഡോക്ടര്മാര് പറഞ്ഞു. രോഗിയെ വീട്ടില് നിന്ന് എത്തിക്കുകയായിരുന്നു. ശസ്ത്രക്രിയയെ തുടര്ന്നുളള സങ്കീര്ണതയാണ് മരണകാരണമെന്നും അവര് വിശദീകരിച്ചു.കൊച്ചിയില് നിന്ന് വൃക്ക എത്തിച്ചിട്ടും ശസ്ത്രക്രിയ നാലുമണിക്കൂര് വൈകിയെന്നാണ് പരാതിഅവയവമാറ്റം വൈകിയതില് ആരോഗ്യമന്ത്രി അന്വേഷണത്തിന് ഉത്തരവിട്ടു. ആരോഗ്യവകുപ്പ് അഡീഷണല് ചീഫ് സെക്രട്ടറി അന്വേഷിക്കും. വീഴ്ച വരുത്തിയവര്ക്കെതിരെ കര്ശന നടപടിയെന്ന് മന്ത്രി വീണാ ജോര്ജ് അറിയിച്ചു.