രണ്ട് പ്രേതങ്ങള്ക്കെതിരെ പരാതിയുമായി യുവാവ് പൊലീസ് സ്റ്റേഷനില്..
ഗുജറാത്തിലെ പഞ്ചമഹലില് ഞായറാഴ്ച ഉച്ചയോടെ ഒരാള് ജംബുഗോദ പോലീസ് സ്റ്റേഷനില് എത്തി. ഭയന്ന് വിറച്ചാണ് ഇയാള് പൊലീസ് സ്റ്റേഷനിലെത്തിയത്. രണ്ട് പ്രേതങ്ങള്ക്കെതിരെ ഇയാള് പരാതി നല്കിയിട്ടുണ്ട്.പഞ്ചമഹലിലെ ജംബുഗോദ താലൂക്കിലെ ഒരു ഗ്രാമത്തിലാണ് ഈ 35 കാരന് താമസിക്കുന്നത്. ഒരു കൂട്ടം പ്രേതങ്ങള് തന്നെ പിന്തുടര്ന്നുവെന്ന് ഇയാള് പോലീസില് പരാതിപ്പെട്ടു. രണ്ടുപേര് അയാളെ പിടികൂടിയെങ്കിലും എങ്ങനെനെയോ രക്ഷപ്പെട്ട് പോലീസ് സ്റ്റേഷനില് എത്തിയെന്നാണ് ഇദ്ദേഹം പറയുന്നത്.വയലില് ജോലി ചെയ്യുമ്പോഴാണ് പ്രേതങ്ങള് വന്നത്. ഞാന് വളരെ ഭയപ്പെട്ടു വിറച്ചു. എന്നെ പ്രേതങ്ങളില് നിന്ന് രക്ഷിക്കണം’. പോലീസിനോടുള്ള അദ്ദേഹത്തിന്റെ അഭ്യര്ത്ഥന വിചിത്രമായി തോന്നിയെങ്കിലും സംതൃപ്തിയോടെയാണ് പോലീസ് പരാതി ഏറ്റെടുത്തത്. അയാളെ പിടിക്കാന് പ്രേതങ്ങള് ആഗ്രഹിച്ചപ്പോള് താന് വയലില് ജോലി ചെയ്യുകയായിരുന്നുവെന്ന് അദ്ദേഹം പോലീസിനോട് പറഞ്ഞു.
‘അദ്ദേഹം വളരെ അസ്വസ്ഥനായിരുന്നു. അദ്ദേഹം അസാധാരണമായിട്ടാണ് പെരുമാറുന്നതെന്ന് വ്യക്തമായിരുന്നു. അദ്ദേഹത്ത ശാന്തവും സാധാരണവുമാക്കാന് പരാതി രേഖാമൂലം എടുത്തിരുന്നു. എസ്.ഐ മയങ്കസിങ് താക്കൂര് പറഞ്ഞു.യുവാവിന്റെ കുടുംബാംഗങ്ങളുമായി പോലീസ് ബന്ധപ്പെട്ടു. ഇയാള് മാനസിക ചികിത്സയിലാണെന്ന് കുടുംബാംഗങ്ങള് പറഞ്ഞു. എന്നിരുന്നാലും, കഴിഞ്ഞ 10 ദിവസമായി അദ്ദേഹം മരുന്ന് കഴിച്ചിട്ടില്ല. തിങ്കളാഴ്ച ഇയാളോട് സംസാരിച്ചതായി പോലീസ് ഉദ്യോഗസ്ഥന് പറഞ്ഞു. പ്രേതങ്ങളില് നിന്ന് പോലീസ് തന്റെ ജീവന് രക്ഷിക്കുമെന്ന് വിശ്വസിച്ചതിനാലാണ് താന് പോലീസ് സ്റ്റേഷനില് പോയതെന്ന് അദ്ദേഹം പറഞ്ഞു. സുരക്ഷ ഉറപ്പുനല്കിയ പോലീസ് സ്ഥിരമായി മരുന്ന് കഴിക്കാന് ഇദ്ദേഹത്തോട് ആവശ്യപ്പെട്ടിരിക്കുകയാണ്.