യുവാവിനെ വെട്ടിക്കൊലപ്പെടുത്താന് ശ്രമിച്ച കേസില് നടന് വിനീത് തട്ടില് അറസ്റ്റില്.
യുവാവിനെ വെട്ടിക്കൊലപ്പെടുത്താന് ശ്രമിച്ച കേസില് നടന് വിനീത് തട്ടില് (45) അറസ്റ്റില്. പുത്തന്പീടിക സ്വദേശിയാണ്. ആലപ്പുഴ തുറവൂര് സ്വദേശി അലക്സിനെ വെട്ടിക്കൊലപ്പെടുത്താന് ശ്രമിച്ചുവെന്നാണ് കേസ്. പരിക്കേറ്റ അലക്സ് ആശുപത്രിയില് ചികിത്സയിലാണ്. പണമിടപാട് സംബന്ധിച്ച തര്ക്കമാണ് ആക്രമണത്തിന് കാരണമെന്ന് പറയുന്നു.
കഴിഞ്ഞ ദിവസം വൈകീട്ട് പണം കടം കൊടുത്തത് ചോദിക്കാന് വിനീതിന്റെ വീട്ടിലെത്തിയ അലക്സിനെ വടിവാളുപയോഗിച്ച് ആക്രമിക്കാന് ശ്രമിച്ചുവെന്നാണ് കേസ്. അന്തിക്കാട് പോലീസാണ് കേസെടുത്തിരിക്കുന്നത്. പുത്തന്പീടികയിലെ വീട്ടില് നിന്നാണ് ഇയാളെ പോലീസ് അറസ്റ്റ് ചെയ്തത്. അങ്കമാലി ഡയറീസ്, ആട്-2, അയ്യപ്പനും കോശിയും എന്നീ ചിത്രങ്ങളില് വിനീത് അഭിനയിച്ചിട്ടുണ്ട്