പദ്മജ ബിജെപിയില്
ദില്ലി: മുതിര്ന്ന കോണ്ഗ്രസ് നേതാവും അന്തരിച്ച മുന് മുഖ്യമന്ത്രി കെ കരുണാകരന്റെ മകളുമായ പദ്മജ വേണുഗോപാല് ബിജെപിയില് . ദില്ലിയിലെ പാര്ട്ടി ആസ്ഥാനത്തെത്തിയ പദ്മജ വേണുഗോപാല് കേരളത്തിന്റെ ചുമതലയുള്ള ബിജെപി ജനറല് സെക്രട്ടറി പ്രകാശ് ജാവദേക്കറില് നിന്നും ബിജെപി അംഗത്വം സ്വീകരിച്ചത്. തുടര്ച്ചയായ അവഗണനയില് മനം മടുത്താണ് കോണ്ഗ്രസ് വിടുന്നതെന്ന് പദ്മജ വേണുഗോപാല് പ്രതികരിച്ചത്. വേദനയോടെയാണ് പാര്ട്ടി വിടുന്നത്. കോണ്ഗ്രസുകാര് തന്നെ ബിജെപിയാക്കി. കെ.മുരളീധരന്റെ വിമര്ശനങ്ങള് കേള്ക്കുമ്പോള് ചിരിയാണ് വരുന്നതെന്നും പദ്മജ പറഞ്ഞു. ഉപാധികളൊന്നുമില്ലാതെയാണ് ബിജെപിയിലേക്ക് പോകുന്നതെന്ന് പദ്മജ പറയുമ്പോഴും ഗവര്ണ്ണര് പദവിയടക്കം ചര്ച്ചയിലുണ്ടെന്നാണ് സൂചന. ചാലക്കുടിയില് മത്സരിപ്പിക്കുന്നതിലും ആലോചനകളുണ്ട്. ചാലക്കുടിയില് പദ്മജ മത്സരിക്കുകയാണെങ്കില് ചാലക്കുടി സീറ്റ് ബിജെപിയെടുത്ത് എറണാകുളം സീറ്റ് ബിഡിജെഎസിന് നല്കിയേക്കും.ലോക്സഭ തെരഞ്ഞെടുപ്പ് അടുത്തിരിക്കെ പദ്മജ വേണുഗോപാലിന്റെ ബിജെപി പ്രവേശനം കോണ്ഗ്രസിന് കനത്ത ആഘാതമാണ് നല്കിയത്. ലീഡറുടെ മകള് വരെ ബിജെപിയിലെത്തുമ്പോള് വിശ്വാസ്യത പോകുന്നു എന്നതാണ് പാര്ട്ടി നേരിടുന്ന വലിയ പ്രതിസന്ധി.