പക്ഷിപ്പനി; കര്ഷകര്ക്ക് നഷ്ടപരിഹാരം ഉറപ്പാക്കുമെന്ന് മന്ത്രി കെ രാജു…
പക്ഷിപ്പനി സ്ഥിരീകരിച്ച സാഹചര്യത്തില് കര്ഷകര്ക്ക് നഷ്ടപരിഹാരം നല്കുമെന്ന് മന്ത്രി കെ രാജു. മന്ത്രിസഭയില് വിഷയം ഉന്നയിച്ച് ആവശ്യമായ നടപടികള് സ്വീകരിക്കും. പക്ഷിപ്പനി 50,000 പക്ഷികളെ വരെ ബാധിക്കാന് ഇടയുണ്ടെന്നും പ്രതിരോധ പ്രവര്ത്തനം ശക്തമാക്കുമെന്നും മന്ത്രി പറഞ്ഞു. സംസ്ഥാനത്ത് രണ്ട് ജില്ലകളില് പക്ഷിപ്പനി സ്ഥിരീകരിച്ച സാഹചര്യത്തില് സംസ്ഥാന ദുരന്തമായി കേന്ദ്ര സര്ക്കാര് പ്രഖ്യാപിച്ചു. രോഗം കൂടുതല് പടരാതിരിക്കാനുള്ള പ്രതിരോധ നടപടികള് ആരംഭിച്ചു. ആലപ്പുഴയിലെ നാല് പഞ്ചായത്തുകളിലും കോട്ടയത്തെ ഒരു പഞ്ചായത്തിലുമായി മുപ്പത്തെട്ടായിരത്തോളം പക്ഷികളെ കൊന്ന് നശിപ്പിക്കാനാണ് തീരുമാനം.