നായ റോഡിന് കുറുകെ ചാടി ബൈക്ക് യാത്രക്കാരന്‍ മരിച്ചു.
കൊച്ചി: നായ റോഡിന് കുറുകെ ചാടി ബൈക്ക് യാത്രക്കാരന്‍ മരിച്ചു. എറണാകുളം കോതാടാണ് അപകടം. മൂലമ്പള്ളി സ്വദേശി സാള്‍ട്ടന്‍(24) ആണ് മരിച്ചത്.
നായ കുറുകെ ചാടിയപ്പോള്‍ ബൈക്ക് നിയന്ത്രണം തെറ്റി കണ്ടയ്‌നര്‍ ലോറിക്ക് അടിയിലേക്ക് വീഴുകയായിരുന്നു. സംഭവ സ്ഥലത്തുവെച്ചുതന്നെ യാത്രക്കാരന്‍ മരിച്ചു. 
ഈ മേഖലയില്‍ നായശല്യം രൂക്ഷമാണ്. വാരാപ്പുഴ പൊലീസ് സംഘം സ്ഥലത്തെത്തി നടപടികള്‍ തുടരുകയാണ്.