ദിലീപിന്റെ മുന്കൂര് ജാമ്യാപേക്ഷ ശനിയാഴ്ച വിശദമായ വാദം കേള്ക്കാനായി ഹൈക്കോടതി മാറ്റി.
കൊച്ചി നടിയെ പീഡിപ്പിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് നടന് ദിലീപ് അടക്കമുള്ളവരുടെ മുന്കൂര് ജാമ്യാപേക്ഷ ശനിയാഴ്ച വിശദമായ വാദം കേള്ക്കാനായി ഹൈക്കോടതി മാറ്റി. ദിലീപ് ഫോണ് കൈമാറാത്തത് തെളിവ് നശിപ്പിക്കാനാണെന്നും അന്വേഷണവുമായി ദിലീപ് സഹകരിക്കുന്നില്ലെന്നും ചൂണ്ടിക്കാട്ടി ജാമ്യഹര്ജി ഇന്നു തന്നെ പരിഗണിക്കണമെന്ന് പ്രോസിക്യൂഷന് ആവശ്യപ്പെടുകയായിരുന്നു. മൊബൈല് ഫോണ് കൈമാറാത്തത് ശരിയായ നടപടിയല്ലെന്ന് ഹൈക്കോടതി നിരീക്ഷിച്ചു. അന്വേഷണത്തിന് ആവശ്യമെങ്കില് ഫോണ് നല്കണമെന്നും കോടതി നിരീക്ഷിച്ചു.