തൃശൂരില് നാല് പേര്ക്ക് കൂടി നോറോ വൈറസ് സ്ഥിരീകരിച്ചു
തൃശൂരില് നാല് പേര്ക്ക് കൂടി നോറോ വൈറസ് സ്ഥിരീകരിച്ചു.സെന്റ് മേരിസ് കോളജിലെ വിദ്യാര്ത്ഥികള്ക്കാണ് രോഗം സ്ഥിരീകരിച്ചത്. ഇതോടെ രോഗം സ്ഥിരീകരിച്ചവരുടെ എണ്ണം 60 ആയി. ക്ലാസുകള് ഓണ്ലൈന് ആക്കാന് ആരോഗ്യവകുപ്പ് നിര്ദേശം നല്കി.തൃശൂരിലെ സെന്റ് മേരിസ് കോളജിലെ 57 വിദ്യാര്ത്ഥികള്ക്ക് കഴിഞ്ഞ ദിവസം വൈറസ് ബാധ സ്ഥിരീകരിച്ചിരുന്നു. ഹോസ്റ്റലിലെ കുടിവെള്ളത്തില് നിന്ന് വൈറസ് പകര്ന്നതാണെന്നാണ് പ്രാഥമിക നിഗമനം. തുടര്ന്ന് ഡിഎംഒ യുടെ നേതൃത്വത്തിലുള്ള സംഘം കോളജ് ഹോസ്റ്റലിലും പരിസരത്തും സന്ദര്ശനം നടത്തിയിരുന്നു. ക്ലോറിനേഷന് ഉള്പ്പെടെയുള്ള പ്രവര്ത്തനങ്ങള് ആരംഭിക്കാനും കുടിവെള്ള സ്രോതസ്സുകള് ശുചിയാണെന്ന് ഉറപ്പുവരുത്താനും ഡിഎംഒ നിര്ദേശം നല്കിയിരുന്നു.