കെപിസിസി സെക്രട്ടറി പിഎസ് പ്രശാന്തിനെ പാര്ട്ടിയില് നിന്ന് പുറത്താക്കി.
കോണ്ഗ്രസ് നേതൃത്വത്തെ വെല്ലുവിളിച്ച കെപിസിസി സെക്രട്ടറി പിഎസ് പ്രശാന്തിനെ പാര്ട്ടിയില് നിന്ന് പുറത്താക്കി. ഗുരുതരമായ അച്ചടക്കലംഘനത്തിന് പ്രശാന്തിനെ നേരത്തെ സസ്പെന്ഡ് ചെയ്തിരുന്നു. എന്നാല് തെറ്റു തിരുത്താന് തയാറാകാതെ വീണ്ടും അടിസ്ഥാനരഹിതമായ ആരോപണങ്ങള് ഉന്നയിക്കുകയാണ് ചെയ്തത്. തുടര്ന്നാണ് പ്രശാന്തിനെതിരെ നടപടി സ്വീകരിച്ചത് എന്ന് കെപിസിസി പ്രസിഡന്റ് കെ സുധാകരന് വ്യക്തമാക്കി.