എരുമേലി സർവ്വ സിദ്ധിവിനായക ക്ഷേത്രത്തിൽ തുലാഭാര തട്ട്  സമർപ്പണം 12 ന് 

എരുമേലി: ശബരിമല തീർത്ഥാടന കേന്ദ്രമായ  എരുമേലിയിൽ സർവ്വവിധ ഐശ്വര്യവും പ്രധാനം ചെയ്യുന്ന എരുമേലി സർവ്വ സിദ്ധിവിനായക  ക്ഷേത്രത്തിൽ പുതുതായി നിർമ്മിച്ച  തുലാഭാര തട്ട് സമർപ്പണവും – ആദ്യ തുലാഭാര വഴിപാടും 12ന് ഞായറാഴ്ച നടക്കുമെന്ന് ക്ഷേത്ര കമ്മറ്റി ഭാരവാഹികൾ പത്രസമ്മേളനത്തിൽ പറഞ്ഞു. പാറത്തോട്  വെച്ചുകുന്നേൽ സൗകാന്ത് വിജയൻ വഴിപാടായി നിർമിച്ചുനൽകിയതാണ് തുലാഭാരതട്ട്.ക്ഷേത്രത്തിലെ വിശേഷാൽ  പൂജകൾക്കുശേഷം ഞായറാഴ്ച രാവിലെ 9.30ന് തുലാഭാര തട്ട് സമർപ്പണം നടക്കും.

ആദ്യ വഴിപാടായി  വെച്ചുക്കുന്നേൽ   വി എസ് വിജയൻ തുലാഭാരം വഴിപാടായി നടത്തും.തുടർന്ന്  ഡോ.അനില ജി നായർ നടത്തുന്ന ആത്മീയ പ്രഭാഷണം നടക്കും. വിനായക ക്ഷേത്രത്തിൽ ഭക്തജനങ്ങൾക്ക്  വിശേഷ ദിവസങ്ങളിൽ പ്രത്യേക വിശേഷാൽ പൂജകളും,വഴിപാടുകളും നടത്താൻ സൗകര്യമുണ്ട്.