സര്ക്കാര് ഓഫീസുകള് ശനിയാഴ്ചകള് പ്രവൃത്തി ദിവസമാക്കി സര്ക്കാര് ഉത്തരവ്
സര്ക്കാര് ഓഫീസുകള്ക്ക് ശനിയാഴ്ചകള് വീണ്ടും പ്രവൃത്തി ദിവസമാക്കി സര്ക്കാര് ഉത്തരവിറക്കി. കൊവിഡ് വ്യാപനം രൂക്ഷമായ സമയത്താണ് സര്ക്കാര് ഓഫീസുകള്ക്കും പൊതുമേഖല സ്ഥാപനങ്ങള്ക്കും ശനിയാഴ്ച അവധി പ്രഖ്യാപിച്ചത്. ഇപ്പോള് വൈറസ് വ്യാപനം കുറഞ്ഞ സാഹചര്യത്തിലാണ് ശനിയാഴ്ച വീണ്ടും പ്രവൃത്തി ദിവസമാക്കാന് തീരുമാനിച്ചത്.വരുന്ന ശനിയാഴ്ച മുതല് ഉത്തരവ് ബാധകമായിരിക്കും. മുഴുവന് ഉദ്യോഗസ്ഥരും ശനിയാഴ്ചകളില് ജോലിക്ക് ഹാജരാകണമെന്ന് ചീഫ് സെക്രട്ടറി നിര്ദ്ദേശിച്ചു. സംസ്ഥാനത്തെ കൊവിഡ് നിയന്ത്രണങ്ങളില് കൂടുതല് ഇളവുകള് ഇന്ന് പ്രഖ്യാപിക്കുമെന്നാണ് പ്രതീക്ഷിക്കുന്നത്. മുഖ്യമന്ത്രിയുടെ നേതൃത്വത്തില് ഉച്ചയ്ക്ക് ചേരുന്ന അവലോകന യോഗത്തിലാവും അന്തിമ തീരുമാനം.ഹോട്ടലുകളില് ഇരുന്ന് ഭക്ഷണം കഴിക്കാന് അനുവദിക്കുമെന്നാണ് പ്രതീക്ഷിക്കുന്നത്. ടേബിളുകള് തമ്മിലുള്ള അകലം കൂട്ടിയാകും അനുമതി. ബാറുകള് തുറക്കുന്നകാര്യത്തിലും ഇന്ന് തീരുമാനമുണ്ടായേക്കും. കൊവിഡ് വ്യാപനം കുറയുകയും വാക്സിനേഷന് വളരെ വേഗം മുന്നോട്ട് പോകുകയും ചെയ്യുന്ന സാഹചര്യത്തിലാണ് സംസ്ഥാനത്ത് കൂടുതല് ഇളവുകള് പ്രഖ്യാപിക്കുന്നത്.