കൊല്ലത്ത് വീണ്ടും കിണര്‍ ഇടിഞ്ഞ് അപകടം: നാലു തൊഴിലാളികള്‍ കുടുങ്ങി.
കൊല്ലം :കൊല്ലത്ത് വീണ്ടും കിണര്‍ ഇടിഞ്ഞ് അപകടം. ഇന്ന് ഉച്ചയോടെ കൊട്ടിയം ആദിച്ചനല്ലൂര്‍ പഞ്ചായത്ത് തഴുത്തല രണ്ടാം വാര്‍ഡിലെ ഒരു വീട്ടിലെ കിണര്‍ വൃത്തിയാക്കുന്നതിനിടെയാണ് അപകടമുണ്ടായത്. കിണര്‍ ഇടഞ്ഞു വീണു തൊഴിലാളി ഉള്ളില്‍ കുടുങ്ങുകയായിരുന്നു. ഫയര്‍ഫോഴ്‌സ് രക്ഷാപ്രവര്‍ത്തനം നടത്തുകയാണ്.
കഴിഞ്ഞ ആഴ്ച കൊല്ലം വെള്ളിമണില്‍ കിണര്‍ വൃത്തിയാക്കുന്നതിനിടെ മണ്ണിടിഞ്ഞു തൊഴിലാളി ഗിരീഷ്‌കുമാര്‍ മരിച്ചിരുന്നു. കഴിഞ്ഞ വര്‍ഷമാണ് കുണ്ടറ പെരുമ്പുഴ കോവില്‍ മുക്കില്‍ 100 അടിയോളം താഴ്ചയുള്ള കിണറ്റില്‍ നിന്ന് ചെളി വാരുന്നതിനിടെ നാലു തൊഴിലാളികള്‍ മരിച്ചത്.