പുതുപ്പള്ളിയില് പ്രതീക്ഷയോടെ
ആത്മവിശ്വാസത്തോടെ മുന്നോട്ട് പോകാനാണ് വോട്ടര്മാര് പറയുന്നത്
കോട്ടയം : ശുഭ പ്രതീക്ഷയോടെ മുന്നോട്ട് പോകാനാണ് പുതുപ്പള്ളിയിലെ ജനം ആവശ്യപ്പെടുന്നതെന്ന് ഇടത് സ്ഥാനാര്ത്ഥി ജെയ്ക് സി തോമസ്. ഫലം വരാന് മിനിറ്റുകളേ ബാക്കിയുള്ളു. ഇന്നിനി അവകാശവാദങ്ങള്ക്ക് പ്രസക്തിയില്ല. ആത്മവിശ്വാസത്തോടെ മുന്നോട്ട് പോകാനാണ് പുതുപ്പള്ളിയിലെ വോട്ടര്മാര് പറയുന്നത്. ഇടതുപക്ഷ മുന്നണിയുടെ എല്ലാ ഘടകകക്ഷികളും ഐക്യത്തോടെയാണ് പുതുപ്പള്ളി തെരഞ്ഞെടുപ്പിനെ അഭിസംബോധന ചെയ്തതെന്നും ജെയ്ക്ക് മാധ്യമങ്ങളോട് പ്രതികരിച്ചു. പുതുപ്പള്ളിയുടെ പുതിയ നിയമസഭാ പ്രതിനിധി ആരാകുമെന്ന് ഇനി മിനിറ്റുകള്ക്കുള്ളിലറിയാം. എട്ടേ കാലോടെ തന്നെ ട്രെന്ഡ് അറിയാന് കഴിയും. ആകെ 20 മേശകളാണ് കൗണ്ടിംഗിനായി തയ്യാറാക്കിയിരിക്കുന്നത്. 14 മേശകളില് വോട്ടിംഗ് യന്ത്രങ്ങളും 5 മേശകളില് അസന്നിഹിത വോട്ടുകളും ഒരു ടേബിളില് സര്വീസ് വോട്ടുകളും എണ്ണും. എക്സിറ്റ് പോളുകളടക്കം പുറത്ത് വന്നതോടെ വന് വിജയ പ്രതീക്ഷയിലാണ് യുഡിഎഫ്. മുമ്പെങ്ങുമില്ലാത്ത ഭൂരിപക്ഷത്തോടെ വിജയിക്കുമെന്ന കണക്കുകൂട്ടലിലാണ് മുന്നണി. എന്നാല് ചിട്ടയായ സംഘടനാ സംവിധാനത്തില് നടന്ന തെരഞ്ഞെടുപ്പ് പ്രവര്ത്തനങ്ങളിലാണ് ഇടത് പ്രതീക്ഷ. പുതുപ്പള്ളി ഇത്തവണ മാറി ചിന്തിക്കുമെന്നും ജെയ്ക്കിനെ വിജയിപ്പിക്കുമെന്നുമാണ് ഇടത് ക്യാമ്പ് കണക്കുകൂട്ടുന്നത്. എന്നാല് ബിജെപി വോട്ട് മറിച്ചുവെന്ന ആരോപണവും സിപിഎം ഉയര്ത്തിയിരുന്നു. അതേ സമയം, പുതുപ്പള്ളിയില് ഇക്കുറി നല്ല മത്സരം കാഴ്ചവച്ചെന്നാണ് ബിജെപി അവകാശവാദം. 2021 നിയമസഭാ തെരഞ്ഞെടുപ്പില് 11,694 വോട്ടാണ് ബിജെപിക്ക് ലഭിച്ചിരുന്നത്. ഇത്തവണ നിലമെച്ചപ്പെടുത്തുമെന്നാണ് ബിജെപി പ്രതീക്ഷ.
എല്ലാം വോട്ടിംഗ് മെഷീന് പറയുമെന്ന് ചാണ്ടി ഉമ്മന്
കോട്ടയം: പുതുപ്പള്ളി ഉപതെരഞ്ഞടുപ്പിന്റെ വോട്ടെണ്ണല് ദിനത്തിലും പതിവ് തെറ്റിക്കാതെ യുഡിഎഫ് സ്ഥാനാര്ത്ഥി ചാണ്ടി ഉമ്മന്. രാവിലെ തന്നെ പുതുപ്പള്ളി പള്ളിയും ഉമ്മന് ചാണ്ടിയുടെ കല്ലറയും സന്ദര്ശിച്ച ശേഷമാണ് ചാണ്ടി ഉമ്മന് കൗണ്ടിങ്ങ് സെന്ററിലേക്ക് പോയത്. എല്ലാം വോട്ടിംഗ് മെഷീന് പറയുമെന്ന് ചാണ്ടി ഉമ്മന് മാധ്യമങ്ങളോട് പ്രതികരിച്ചു. ശുഭ പ്രതീക്ഷയാണുള്ളതെന്നും അദ്ദേഹം കൂട്ടിച്ചേര്ത്തു.പുതുപ്പള്ളി ചാണ്ടി ഉമ്മന് റെക്കോര്ഡ് ഭൂരിപക്ഷം നല്കുമെന്ന് മുതിര്ന്ന കേണ്ഗ്രസ് നേതാവ് തിരുവഞ്ചൂര് രാധാകൃഷ്ണനും പ്രതികരിച്ചു. വരുന്ന 11ആം തീയതി കേരള നിയമസഭയില് നടക്കാന് പോകുന്നത് ചാണ്ടി ഉമ്മന്റെ സത്യപ്രതിജ്ഞയാണ്. പോളിംഗ് ദിനത്തില് കണ്ട സ്ത്രീകള് ഉള്പ്പെടെയുള്ള വോട്ടര്മാരുടെ ഒഴുക്ക് സര്ക്കാര് വിരുദ്ധ വികാരത്തിന്റെ പ്രതിഫലനമെന്നും തിരുവഞ്ചൂര് പറഞ്ഞു. രാവിലെ എട്ട് മണിക്ക് വോട്ടെണ്ണിത്തുടങ്ങി രണ്ട് മണിക്കൂറിനകം ഫലമറിയാനാകുന്ന വിധത്തിലാണ് ക്രമീകരണങ്ങള് ഒരുക്കിയിരിക്കുന്നത്. കോട്ടയം ബസേലിയസ് കോളേജിലെ വോട്ടെണ്ണല് കേന്ദ്രത്തില് ആദ്യ റൗണ്ട് എണ്ണിത്തീരുമ്പോള് തന്നെ ട്രെന്ഡ് വ്യക്തമാകും. ആകെ 20 മേശകളാണ് കൗണ്ടിംഗിനായി തയ്യാറാക്കിയിരിക്കുന്നത്. 14 മേശകളില് വോട്ടിംഗ് യന്ത്രങ്ങളും 5 മേശകളില് അസന്നിഹിത വോട്ടുകളും ഒരു ടേബിളില് സര്വീസ് വോട്ടുകളും എണ്ണും. 13 റൗണ്ടുകളിലായി വോട്ടിംഗ് യന്ത്രങ്ങള് എണ്ണിത്തീരും. അയര്ക്കുന്നം പഞ്ചായത്തിലെ 28 ബൂത്തുകളാണ് ആദ്യ രണ്ട് റൗണ്ടുകളിലായി എണ്ണുന്നത്. ഈ റൗണ്ടുകള് എണ്ണിക്കഴിയുമ്പോള് തന്നെ കൃത്യമായ ഫലസൂചന കിട്ടും.