‘അശോക് ചവാന് സമിതി’ ഹൈക്കമാന്ഡിന് റിപ്പോര്ട്ട് സമര്പ്പിച്ചു.
കേരളത്തിലെ നിയമസഭാ തിരഞ്ഞെടുപ്പ് പരാജയം സംബന്ധിച്ച് പഠിക്കാന് കോണ്ഗ്രസ് നിയോഗിച്ച ‘അശോക് ചവാന് സമിതി’ ഹൈക്കമാന്ഡിന് റിപ്പോര്ട്ട് സമര്പ്പിച്ചു. ഇതിന്റെ അടിസ്ഥാനത്തില് ഉടന് കെ.പി.സി.സി. പ്രസിഡന്റിനെയും തിരഞ്ഞെടുക്കും.
അതെ സമയം ‘ അമിത ആത്മവിശ്വാസം ‘തിരഞ്ഞെടുപ്പില് തിരിച്ചടിയായി എന്ന വിലയിരുത്തലാണ് സമിതി നടത്തിയത് . അതെ സമയം റിപ്പോര്ട്ടില് ആരേയും പേരെടുത്ത് കുറ്റപ്പെടുത്തിയിട്ടില്ല. എന്നാല് കൂട്ടായ നേതൃത്വം ഉണ്ടായില്ല എന്നും പരാമര്ശമുണ്ട്. ചൊവ്വാഴ്ച രാത്രി കൈമാറിയ റിപ്പോര്ട്ട് പ്രവര്ത്തക സമിതി പരിശോധിക്കും. ഇതിന്റെ അടിസ്ഥാനത്തിലായിരിക്കും കെപിസിസി പ്രസിഡന്റിന്റെ കാര്യത്തില് ഹൈക്കമാന്ഡ് തീരുമാനമെടുക്കുക. ആരും സ്വയം നാമനിര്ദേശം ചെയ്യേണ്ടെന്ന് ഹൈക്കമാന്ഡ് വ്യക്തമാക്കിയിട്ടുണ്ട്. കെ.പി.സി.സി. അധ്യക്ഷനെ സംബന്ധിച്ച് സര്വേ നടത്തുന്നുണ്ടെന്നും ഇതിന്റെ അടിസ്ഥാനത്തിലായിരിക്കും അധ്യക്ഷനെ നിയമിക്കുക എന്നും സൂചനയുണ്ട്.
മെയ് പതിനൊന്നിനാണ് പ്രവര്ത്തക സമിതിയോഗം അശോക് ചവാന് കമ്മിറ്റിക്ക് രൂപം നല്കിയത്. രണ്ടാഴ്ചയ്ക്കുളളില് റിപ്പോര്ട്ട് നല്കാനായിരുന്നു നിര്ദേശം. കേരളത്തില് നേരിട്ട് എത്തുമെന്ന് അറിയിച്ചിരുന്നുവെങ്കിലും ലോക് ഡൗണിനെ തുടര്ന്ന് എത്താന് സാധിച്ചില്ല. ഓണ്ലൈന് മുഖാന്തരമാണ് കമ്മിറ്റി വിവരങ്ങള് ആരാഞ്ഞത്. എംഎല്എമാര്, എംപിമാര്, രാഷ്ട്രീയ നിരീക്ഷകര്, മറ്റുജനപ്രതിനിധികള്, മുതിര്ന്ന നേതാക്കള്, മാധ്യമപ്രവര്ത്തകര്, എന്നിവരില് നിന്നാണ് തിരഞ്ഞെടുപ്പ് തോല്വിയുമായി ബന്ധപ്പെട്ട കാര്യങ്ങള് സമഗ്രമായി വിലയിരുത്തിയത്.കേരളം അടക്കമുള്ള നാല് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തോല്വിയുമായി ബന്ധപ്പെട്ട സമഗ്ര റിപ്പോര്ട്ടാണ് അശോക് ചവാന് സമിതി സമര്പ്പിച്ചത്.