സാംസ്കാരിക കേരളത്തിന് മറ്റൊരു പൊൻതൂവൽ; “പടർപ്പിലെ ചിലന്തികൾ” പുസ്തക പ്രകാശനം 14 ന് 

എരുമേലി: വളർന്നുവരുന്ന സാംസ്കാരിക കേരളത്തിന്  മറ്റൊരു പൊൻതൂവലായി മലയോരമേഖലയിൽ നിന്നും ഒരു കവിതാസമാഹാരം കൂടി പിറവി എടുക്കുകയാണ്.എരുമേലി ഗ്രാമപഞ്ചായത്ത് മുൻ അംഗവും,എരുത്വാപ്പുഴ സ്വദേശിനിയുമായ യുവ കവയത്രി പി കെ ശാന്തകുമാരി (ശാലു)യുടെ കയ്യൊപ്പ് പതിഞ്ഞ ” പടർപ്പിലെ ചിലന്തികൾ ” എന്ന കവിത സമാഹാരമാണ്  തിരിച്ചറിവിന്റെയും ജീവിതയാഥാർത്ഥ്യങ്ങളുടെയും കഥ പറയുന്നത്.എരുമേലി വ്യാപാരഭവനിൽ 14 ന് ശനിയാഴ്ച ഉച്ചകഴിഞ്ഞ് രണ്ടു മണിക്ക് നടക്കുന്ന പുസ്തക പ്രകാശന സമ്മേളനം സംസ്ഥാന ന്യൂനപക്ഷ വികസന ധനകാര്യ കോർപ്പറേഷൻ ഡയറക്ടർ ഫാ. ഡോക്ടർ മാത്യൂസ് വാഴക്കുന്നം ഉദ്ഘാടനം ചെയ്യുമെന്ന് ഭാരവാഹികൾ പറഞ്ഞു.ഇടകടത്തി ടി കെ എം എം എസ് സ്കൂൾ മാനേജർ കെ എൻ മോഹൻദാസ് അധ്യക്ഷത വഹിക്കും.പ്രമുഖ കവി രാജൻ കൈലാസ് പുസ്തകപ്രകാശനം നടത്തും. കുരീപ്പുഴ ശ്രീകുമാർ എഴുതിയ അവതാരികയുടെ പുസ്തക  പരിചയം സ്വാഗത സംഘത്തിന്റെ ചെയർമാനും  പൊതു പ്രവർത്തകനുമായ കനൂൽ തുമരംപാറ നിർവഹിക്കും.ചടങ്ങിൽ  പുസ്തകത്തിന്റെ  ആദ്യപ്രതി എരുമേലി ഗ്രാമപഞ്ചായത്ത് പ്രസിഡന്റ്  തങ്കമ്മ ജോർജ്കുട്ടി  ഏറ്റുവാങ്ങും.കവയത്രിയും ഗാനരചയിതാവുമായ ദീപ സോമൻ  ദേവികൃപ മുഖ്യപ്രഭാഷണം നടത്തും.ചടങ്ങിൽ  വിവിധ രാഷ്ട്രീയ പാർട്ടി പ്രതിനിധികൾ,  സാംസ്കാരിക സംഘടനാ പ്രതിനിധികളായ